నందమూరి అభిమానులు ఎంతగానో ఎదురుచూస్తోన్న రోజు రానే వచ్చింది. ‘గౌతమిపుత్ర శాతకర్ణి’ సినిమా ఆడియో విడుదల కార్యక్రమం ఈరోజు తిరుపతిలో గ్రాండ్ గా జరగనుంది. బాలయ్య నిర్ణయించిన ముహూర్తం ఏడు గంటల యాభై నిమిషాలకు ఆడియో విడుదల కార్యక్రమం జరగనుంది. ఈ కార్యక్రమానికి ఏపీ ముఖ్యమంత్రి నారా చంద్రబాబు నాయుడు, కేంద్రమంత్రి వెంకయ్య నాయుడు అతిథులుగా రానున్నాను. ఇప్పటికే ఈ సినిమా కోసం తయారు చేసిన డిజిటల్ ఇన్విటేషన్లు హాట్ టాపిక్ అయ్యాయి.
ఒక్కో ఇన్విటేషన్ ఖరీదు ఎనిమిదివేలకు పైనే.. దాదాపు వంద మంది అతిథులకు ఈ ఇన్విటేషన్స్ పంపారు. ఆడియో విడుదలకు ముందు సభా వేదిక వరకు భారీ ర్యాలీను నిర్వహించనున్నారు. 500 కార్లు, 100 బైకులూ, ఓ గుర్రపు రధంతో ఈ ర్యాలీ సాగనుంది. గుర్రపు రధంలో బాలయ్య ఉంటాడని సమాచారం. ఈ కార్యక్రమానికి అభిమానులు ఎంతమందైనా.. రావొచ్చని చిత్రబృందం వెల్లడించింది.
