Actor Rajashekar properties:
టాలీవుడ్‌లో తనకంటూ ప్రత్యేకమైన గుర్తింపు తెచ్చుకున్న యాంగ్రీ మ్యాన్ రాజశేఖర్, అటు డాక్టర్‌గా ఇటు యాక్టర్‌గా రెండు వృత్తుల్లోనూ విజయాన్ని సాధించారు. ఆయన నటనలో ఉన్న ఒత్తిడిని చూసి చాలామంది నిజమైన పోలీస్ ఆఫీసర్ అనుకునేంత స్థాయికి ఎదిగారు. అయితే, అతని జీవిత ప్రయాణంలో ఉన్న ఫైనాన్షియల్ ట్విస్టులు ఇప్పుడు హాట్ టాపిక్ అయ్యాయి.
1962 ఫిబ్రవరి 4న తమిళనాడులో జన్మించిన రాజశేఖర్ అసలు పేరు రాజశేఖర్ వరదరాజన్. చిన్నప్పటి నుంచే డిసిప్లిన్‌తో పెరిగిన రాజశేఖర్, మొదట తండ్రిలాగే పోలీస్ అవ్వాలని అనుకున్నా, చివరకు డాక్టర్ అయ్యారు. చెన్నైలో కొంతకాలం ప్రాక్టీస్ చేసిన ఆయన, సినిమాలపై ఆసక్తితో నటన వైపు వచ్చారు.
1985లో ‘వందేమాతరం’ ద్వారా టాలీవుడ్‌కి ఎంట్రీ ఇచ్చిన రాజశేఖర్, 1989లో వచ్చిన ‘అంకుశం’తో సూపర్ హిట్ కొట్టారు. పోలీస్ రోల్స్‌తో ఎక్కువగా గుర్తింపు తెచ్చుకున్న ఆయన, తర్వాత ‘అల్లరి ప్రియుడు’, ‘సివిక్రమార్కుడు’, ‘గరుడవేగ’ వంటి చిత్రాలతో మరోసారి తన సత్తా చాటారు.
1991లో డైరెక్టర్ & నటి జీవితను వివాహం చేసుకున్న రాజశేఖర్, శివాని, శివాత్మిక అనే ఇద్దరు కూతుళ్ల తండ్రి. శివాత్మిక ‘దొరసాని’ సినిమాతో హీరోయిన్‌గా ఎంట్రీ ఇచ్చింది.
రాజశేఖర్ కెరీర్‌లో ఫ్లాప్స్ ఎక్కువగా రావడంతో ఆయన చాలానే ఆస్తులు పోగొట్టుకున్నారని టాక్. చెన్నైలోనే రూ.200 కోట్లకు పైగా ఆస్తి కోల్పోయారని ఇండస్ట్రీలో వార్తలు వినిపిస్తున్నాయి. ప్రస్తుతం ఒక్కో సినిమాకు రూ.4 కోట్లు రెమ్యునరేషన్ తీసుకుంటూ సెలెక్టివ్‌గా క్యారెక్టర్ ఆర్టిస్ట్‌గా కొనసాగుతున్నారు.
ప్రస్తుతం రాజశేఖర్ మొత్తం ఆస్తుల విలువ రూ.50 కోట్లకు పైగానే ఉందని సమాచారం. అయితే, ఆస్తులు పోగొట్టుకోకపోయి ఉంటే టాలీవుడ్‌లోనే అత్యంత ధనిక నటుల్లో ఒకరిగా ఉండేవారని అభిమానులు భావిస్తున్నారు. సంపాదించింది తక్కువే, పోగొట్టుకున్నది ఎక్కువే అనే టాక్ ఇప్పుడు హాట్ టాపిక్ అవుతోంది.
ALSO READ: War 2 లో జూ.ఎన్టీఆర్ పాత్ర ఏమిటంటే..!
