సైబ‌ర్ క్రైమ్ పోలీసుల‌ను ఆశ్ర‌యించిన నితిన్‌ డైరెక్టర్‌

టాలీవుడ్ యంగ్‌ హీరో నితిన్ న‌టిస్తున్న చిత్రం ‘మాచ‌ర్ల నియోజ‌క‌వ‌ర్గం’. ఈ సినిమాకు ద‌ర్శ‌కుడిగా వ్య‌వ‌హ‌రిస్తున్న ఎంఎస్ రాజ‌శేఖర్ రెడ్డి బుధ‌వారం హైద‌రాబాద్‌లోని సైబ‌ర్ క్రైమ్ పోలీసుల‌ను ఆశ్ర‌యించారు. త‌నపై సోష‌ల్ మీడియాలో త‌ప్పుడు ప్ర‌చారం జ‌రుగుతోంద‌ని, దానికి కార‌కులైన వారిని గుర్తించి చ‌ర్య‌లు తీసుకోవాల‌ని ఆయ‌న సైబ‌ర్ క్రైమ్ క‌మిష‌న‌ర్‌కు ఫిర్యాదు చేశారు. ఈ మేర‌కు త‌న ఫిర్యాదుతో పాటు తాను క‌మిష‌న‌ర్‌కు ఫిర్యాదు చేస్తున్న ఫొటోల‌ను ఆయ‌న సోష‌ల్ మీడియాలో షేర్‌ చేశారు.

వివ‌రాల్లోకెళితే… ప‌ల్నాడు జిల్లాలోని మాచ‌ర్ల నియోజ‌క‌వ‌ర్గం పేరిట రాజ‌శేఖ‌ర్ రెడ్డి సినిమాను ప్లాన్ చేశారు. ఈ సినిమా షూటింగ్ ఇప్ప‌టికే పూర్తి కాగా… సినిమా ఆగ‌స్టు 12న‌ విడుద‌ల కానుంది. ఈ నేపధ్యంలో రాజ‌శేఖ‌ర్ రెడ్డి గ‌తంలో కొన్ని సామాజిక వ‌ర్గాల‌ను కించ‌ప‌రిచిన‌ట్లు ప్ర‌చారం జ‌రుగుతోంద‌ని జాగ్ర‌త్త‌గా ఉండాలంటూ స్వ‌యంగా నితిన్ పేరిట సోష‌ల్ మీడియాలో ఓ పోస్ట్ ప్ర‌త్య‌క్ష‌మైంది. దీనిని ఫేక్ పోస్ట్‌గా రాజ‌శేఖ‌ర్ రెడ్డి కొట్టి పారేశారు.

అంత‌టితో ఆ వివాదం ముగియ‌క‌పోగా… మాచ‌ర్ల ముచ్చ‌ట్లు పేరిట ఓపెన్ అయిన ఓ ఖాతాలో రాజ‌శేఖర్ రెడ్డిని ఇబ్బందుల‌కు గురి చేసేలా వీడియోలు, పోస్ట్‌లు వ‌రుస‌గా ప్ర‌త్య‌క్ష‌మయ్యాయి. దీంతో రాజ‌శేఖర్ రెడ్డి సైబ‌ర్ క్రైమ్ పోలీసుల‌ను ఆశ్ర‌యించారు. త‌నపై జ‌రుగుతున్న దుష్ప్ర‌చారానికి అడ్డుక‌ట్ట వేయ‌డంతో పాటు నిందితుల‌ను క‌ఠినంగా శిక్షించాలంటూ ఆయ‌న పోలీసుల‌ను కోరారు.

#MacherlaNiyojakavargam :

Director MS Rajasekhar Reddy alias SR Shekhar Alleges Conspiracy to Defame him and the film. Files a Case with Cyber Crime CP. pic.twitter.com/HwOF3kJLP9

— AndhraBoxOffice.Com (@AndhraBoxOffice) July 27, 2022