టాలీవుడ్ యంగ్ హీరో నాగశౌర్య తన ’22’వ షూటింగ్ ను తిరిగి ప్రారంభించారు. హోమ్ బ్యానర్ ఐరా క్రియేషన్స్ లో వస్తున్న ఈ సినిమాకి అనీష్ కృష్ణ దర్శకత్వం వహిస్తున్నారు. ఈ చిత్రంలో షిర్లీ సెటియా హీరోయిన్. హైదరాబాద్ లో జరుగుతున్న ఈ షెడ్యూల్ లో నాగశౌర్య – షిర్లీ సెటియా మరియు ఇతర ప్రధాన తారాగణం పాల్గొనే సన్నివేశాలను చిత్రీకరిస్తున్నారు.
ఇంకా టైటిల్ ఫిక్స్ చేయని ఈ చిత్రంలో సీనియర్ నటి రాధిక కీలక పాత్ర పోషిస్తున్నారు. వెన్నెల కిషోర్ , రాహుల్ రామకృష్ణ, బ్రహ్మజీ, సత్య తదితరులు ఇతర పాత్రల్లో కనిపించనున్నారు. ఇకపోతే నాగాశౌర్య ప్రస్తుతం ‘లక్ష్య’ , ‘వరుడు కావలెను’, ‘ఫలానా అబ్బాయి ఫలానా అమ్మాయి’, ‘పోలీసు వారి హెచ్చరిక’ సినిమాలు చేస్తున్నాడు.
