మాస్ మహారాజ రవితేజ ప్రధాన పాత్రలో నటిస్తున్న తాజా చిత్రం ‘టైగర్ నాగేశ్వర రావు’. 1970లో స్టూవర్ట్పురంలో పాపులర్ దొంగగా చలామణిలో ఉన్న టైగర్ నాగేశ్వర్ రావు జీవిత కథ నేపథ్యంలో ఈ మూవీ తెరకెక్కుతోంది. వంశీ డైరెక్షన్లో వస్తున్న ఈ సినిమాలో కృతి సనన్ చెల్లి నుపుర్ సనన్ హీరోయిన్గా నటిస్తుంది. ఈ సినిమాతో ఆమె టాలీవుడ్లో ఎంట్రీ ఇస్తుంది. అక్టోబర్ 20న ఈ సినిమా ప్రపంచవ్యాప్తంగా విడుదల కానుంది. ఈ నేపథ్యంలో మేకర్స్ ప్రమోషన్స్ మొదలుపెట్టింది. ఇప్పటికే ఈ సినిమా నుంచి మేకర్స్ టీజర్, ఫస్ట్ సింగిల్ లాంచ్ చేయగా.. ప్రేక్షకులను ఆకట్టుకున్నాయి. తాజాగా ఈ సినిమా నుంచి మేకర్స్ ఒక సాలిడ్ అప్డేట్ ఇచ్చారు.
కాగా ఈ సినిమాలో సీనియర్ నటి రేణూదేశాయ్ హేమలత లవణం పాత్రలో నటిస్తుంది. తాజాగా ఆమె లుక్ను మేకర్స్ విడుదల చేశారు. బిడ్డను ఎత్తుకుని లాలిస్తున్నట్లు కనిపిస్తున్న ఈ పోస్టర్ హృదయాలను హత్తుకునేలా ఉంది. ఇక ఈ సినిమా ట్రైలర్ను అక్టోబర్ 3న రిలీజ్ చేయనున్నట్లు మేకర్స్ ప్రకటించారు.
ఈ సినిమాలో అనుపమ్ ఖేర్, అనుకీర్తి వ్యాస్, మురళీ శర్మ తదితరులు కీలక పాత్రల్లో నటిస్తున్నారు. ఈ చిత్రాన్ని అభిషేక్ అగర్వాల్ ఆర్ట్స్ బ్యానర్పై అభిషేక్ అగర్వాల్ నిర్మిస్తుండగా.. టాలెంటెడ్ మ్యూజిక్ డైరెక్టర్ జీవీ ప్రకాశ్ కుమార్ సంగీతం అందిస్తున్నాడు. ఈ సినిమా అక్టోబర్ 20న తెలుగు, హిందీ, తమిళం, కన్నడ, మలయాళ భాషల్లో విడుదల కానుంది. ఇప్పటికే ఈ సినిమా నుండి విడుదలైన అప్డేట్స్ సినిమాపై మంచి హైప్ని క్రియేట్ చేశాయి.
