Srikakulam Sherlockholmes OTT release date:
తెలుగు ప్రేక్షకులకి వెన్నెల కిషోర్ గురించి ప్రత్యేకంగా చెప్పనవసరం లేదు. తన వినోదంతో అందరినీ అలరించిన ఈ నటుడు కమెడియన్గా రాణించడమే కాకుండా, హీరోగా కూడా తన అదృష్టాన్ని పరీక్షించుకున్నాడు. తాజాగా వెన్నెల కిషోర్ నటించిన Srikakulam Sherlockholmes సినిమా క్రిస్మస్ కానుకగా డిసెంబర్ 25న థియేటర్లలో విడుదలైంది.
ఈ సినిమా మంచి కథతో వచ్చినప్పటికీ, ప్రమోషన్ల లోపం కారణంగా ప్రేక్షకుల దృష్టికి పెద్దగా రాలేకపోయింది. ఈ సినిమా డిసెంబర్ 25న విడుదలైనప్పటికీ, చాలా మందికి ఈ విషయం తెలియకపోవడం ఆశ్చర్యకరం. అయితే, ఇప్పుడు ఈ సినిమా ఓటీటీలో తన అదృష్టాన్ని పరీక్షించుకోనుంది. ఈటీవీ విన్ ప్లాట్ఫామ్లో జనవరి 24న ఈ సినిమా స్ట్రీమింగ్కి సిద్ధంగా ఉంది.
Get ready to solve the mystery! 🔍 “Srikakulam Sherlock Holmes” is all set to stream on @ETVWin this January 24th. 🎬#SrikakulamSherlockHolmes #ETVWin pic.twitter.com/4vHlebal7y
— ETV Win (@etvwin) January 22, 2025
‘శ్రీకాకుళం షెర్లాక్ హోమ్స్’ కథ ఒక ఊరిలో వరుస హత్యల చుట్టూ తిరుగుతుంది. మేరీ అనే యువతిని హత్య చేయబడిన తర్వాత, ఆ కేసును ఛేదించాల్సిన బాధ్యత వెన్నెల కిషోర్ పాత్రపై పడుతుంది. మరి ఈ హత్యల వెనుక ఎవరు ఉన్నారు? హత్యలు ఎందుకు జరిగాయి? ఈ ప్రశ్నలకు సమాధానాలు సినిమా చూసినప్పుడు తెలుస్తాయి.
థియేటర్లలో నిరాశను చవిచూసిన ఈ సినిమా, ఓటీటీ వేదికపై మంచి విజయాన్ని అందుకునే అవకాశాలు ఉన్నాయి. వెన్నెల కిషోర్ వినోదంతో పాటు, ఉత్కంఠభరితమైన కథాంశం ఈ సినిమాకు ప్రత్యేక ఆకర్షణగా నిలుస్తాయి.
ALSO READ: 40 లక్షల నుంచి 20 కోట్లకి రెమ్యూనరేషన్ పెంచేసిన OTT Actor ఎవరంటే!
