సుడిగాలి సుధీర్ ప్రస్తుతం హీరోగా నటిస్తున్న సంగతి తెలిసిందే. ఇప్పటికే మూడు చిత్రాల్లో హీరోగా నటించిన సుధీర్.. ప్రస్తుతం తన నాలుగో సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. ఆ సినిమానే ‘గోట్’.. ‘గ్రేటెస్ట్ ఆఫ్ ఆల్ టైమ్’ అనేది ట్యాగ్ లైన్. ఈ సినిమాలో దివ్య భారతి హీరోయిన్గా నటిస్తున్నారు. ‘పాగల్’ ఫేమ్ నరేష్ కుప్పిలి ఈ చిత్రానికి దర్శకత్వం వహిస్తున్నారు.
మహాతేజ క్రియేషన్స్ పతాకంపై చంద్రశేఖర్ రెడ్డి మొగుళ్ళ ఈ చిత్రాన్ని నిర్మిస్తున్నారు. ఈరోజు ఈ సినిమా గ్లింప్స్ రిలీజ్ చేసింది చిత్ర యూనిట్. ఈ వీడియోలో సుధీర్ ఒక చేత్తో క్రికెట్ బ్యాక్ పట్టుకుని, మరో చేత్తో సిగరెట్ కాల్చుతూ మాస్ లుక్లో కనిపిస్తున్నాడు. ఇప్పటికే రెండు షెడ్యూల్స్ షూటింగ్ పూర్తయ్యింది. రెండు పాటలు చిత్రీకరణ కూడా పూర్తి అయింది.
