టాలీవుడ్లో చైల్డ్ ఆర్టిస్ట్గా ఎన్నో సినిమాలు చేసిన తేజ సజ్జా హీరోగా ఎంట్రీ వరుస సినిమాలతో దూసుకుపోతున్నాడు. ఓ బేబి సినిమాతో చాలా గ్యాప్ తర్వాత తేజ జాంబిరెడ్డి చిత్రంతో హీరోగా ఎంట్రీ ఇచ్చిన సంగతి తెలిసిందే. ప్రస్తుతం హను-మాన్ అనే చిత్రంలో తేజ నటిస్తున్నాడు. జాంబిరెడ్డితో హిట్ ఇచ్చిన క్రియేటివ్ డైరెక్టర్ ప్రశాంత్ వర్మతోనే మరోసారి సినిమా చేసేందుకు రెడీ అయ్యాడు. తెలుగులో తొలి సూపర్ హీరో సిరీస్గా ఫిక్షనల్ నేపథ్యంలో ఈ మూవీ తెరకెక్కనున్నట్లు సమాచారం. అయితే ఈ సినిమా కోసం తేజ సజ్జ తీసుకున్న రెమ్యునరేషన్ ఇప్పుడు హాట్ టాపిక్గా మారింది.
ఈ టాలెంటెడ్ హీరో ఇప్పుడు కోటి రూపాయల పారితోషికం తీసుకుంటున్న హీరోల జాబితాలో చేరిపోయాడు. హను-మాన్ చిత్రం కోసం ఏకంగా కోటి రూపాయలు డిమాండ్ చేశాడట. ఇటీవలే జాంబిరెడ్డి సినిమాతో ఆకట్టుకున్న తేజ ప్రస్తుతం ఉన్న మార్కెట్ను దృష్టిలో ఉంచుకొని కోటి రూపాయల రెమ్యునరేషన్ను తీసుకుంటున్నట్లు ఫిల్మ్ వర్గాల్లో ఓ వార్త వైరల్ అవుతుంది.
ఇకపోతే తేజ సజ్జా హీరోగా ‘ఇష్క్’-‘నాట్ ఎ లవ్ స్టోరీ’ సినిమా చేస్తున్నాడు. ప్రియా ప్రకాష్ వారియర్ ఇందులో హీరోయిన్ గా నటించింది. అలానే ఫాంటసీ లవ్ స్టోరీ నేపథ్యంలో తేజ ”అద్భుతం” అనే సినిమా చేస్తున్నాడు. శివాని రాజశేఖర్ హీరోయిన్ గా నటిస్తోంది.
