ఆంధ్రా గోదావరి జిల్లాల్లో Bird Flu క‌ల‌క‌లం.. తెలంగాణ పరిస్థితి?

Bird flu in AP:

ఆంధ్రప్రదేశ్, తెలంగాణలో Bird flu భయం పెరుగుతోంది. ఇప్పటికే గోదావరి జిల్లాల్లో ఈ వ్యాధి కేసులు నమోదు కావడంతో, దీనివల్ల తెలంగాణలోకి వ్యాప్తి చెందుతుందనే ఆందోళన వ్యక్తమవుతోంది.

గోదావరి జిల్లాల్లో గత వారం రోజులుగా వేలాది కోడిపక్షులు చనిపోతున్నాయి. ఈ పరిస్థితిని గమనించిన పౌల్ట్రీ ఫారమ్ యజమానులు అధికారులకు సమాచారం ఇచ్చారు. అధికారుల బృందం మృత కోడిపక్షుల నుండి సాంపిల్స్ సేకరించి పరీక్షలు చేయించగా, బర్డ్ ఫ్లూ పాజిటివ్ అని తేలింది.

భోపాల్‌లోని నేషనల్ ఇన్‌స్టిట్యూట్ ఆఫ్ హై సెక్యూరిటీ అనిమల్ డిసీజెస్ కూడా ఈ ఫ్లూ ఆంధ్రప్రదేశ్‌లో ఉందని అధికారికంగా ధృవీకరించింది. దీంతో, ఆంధ్రా – తెలంగాణ ప్రభుత్వాలు అప్రమత్తమయ్యాయి.

బర్డ్ ఫ్లూ వ్యాప్తిని అడ్డుకోవడానికి రెండు రాష్ట్రాల అధికారులు చురుకుగా వ్యవహరిస్తున్నారు. ఏపీలో అధికారుల బృందాలు పౌల్ట్రీ ఫారమ్‌లను పర్యవేక్షిస్తూ, కచ్చితమైన చర్యలు తీసుకుంటున్నాయి. తెలంగాణ ప్రభుత్వం కూడా ఆంధ్రప్రదేశ్ నుండి చికెన్ వాహనాలను తమ రాష్ట్రంలోకి ప్రవేశించకుండా ఆపేస్తోంది.

డాక్టర్లు ప్రజలకు కొన్ని రోజులు చికెన్, గుడ్లు తినకుండా ఉండాలని సూచిస్తున్నారు. బర్డ్ ఫ్లూ ఎక్కువగా పక్షుల ద్వారా వస్తుందనుకున్నప్పటికీ, కొన్నిసార్లు మానవులకు కూడా సోకే ప్రమాదం ఉంది. అందుకే ప్రభుత్వ సూచనలను పాటిస్తూ జాగ్రత్తగా ఉండాలి.

ఈ పరిస్థితిపై ఆంధ్రా, తెలంగాణ ప్రభుత్వాలు మరింత గట్టి చర్యలు తీసుకోవాలని ప్రజలు కోరుతున్నారు. త్వరలోనే ఈ సమస్య పరిష్కారమవుతుందో లేదో చూడాలి!