Venkatesh Daggubati: సూపర్ స్టార్‌ మహేష్‌ బాబు హీరోగా నటించిన ‘గుంటూరు కారం’ మరదలు కనిపించిన మీనాక్షి చౌదరి గురించి ప్రత్యేకించి చెప్పానవసరం లేదు. ఇచట వాహనములు నిలుపరాదు సినిమాతో టాలీవుడ్‌లో ఎంట్రీ ఇచ్చిన ఈ బ్యూటీ రవితేజ ఖిలాడీ మూవీతో అందరి దృష్టిన ఆకర్షించింది. `హిట్‌` చిత్రంతో హిట్‌ అందుకుంది. ప్రస్తుతం వరుస సినిమాలతో బిజీగా ఉంది.
భారీ సినిమాల్లో నటించే ఛాన్స్ వస్తుంది. టాలీవుడ్‌ సీనియర్‌ హీరోలకు జోడీగా తీసుకుంటున్నారు. తెలుగులో వరుణ్‌ తేజ్‌తో `మట్కా` చిత్రంలో హీరోయిన్‌గా చేస్తుంది. అలాగే విశ్వక్‌ సేన్‌తో ఓ మూవీ చేస్తుంది. మరోవైపు దుల్కర్‌ సల్మాన్‌ తో `లక్కీ భాస్కర్‌` మూవీలో హీరోయిన్‌గా నటిస్తుంది.
దీంతోపాటు తమిళంలో విజయ్‌తో `ది గోట్‌`(ది గ్రేటెస్ట్ ఆఫ్‌ ఆల్‌ టైమ్‌) మూవీలో హీరోయిన్‌గా నటిస్తుంది మీనాక్షి చౌదరి. మెగాస్టార్‌ చిరంజీవితో `విశ్వంభర`లోనూ ఆయనకు చెల్లిగా కనిపించబోతుందట. ఇప్పుడు మరో తెలుగు సినిమాకి ఈ అమ్మడు సైన్‌ చేసిందట. సీనియర్‌ హీరోకి గ్రీన్‌ సిగ్నల్‌ ఇచ్చిందట.
అనిల్‌ రావిపూడి దర్శకత్వంలో వెంకటేష్‌ ఓ మూవీ చేస్తున్నారు. ఆ మధ్యనే దీన్ని ప్రకటించారు. త్వరలోనే ఈ మూవీ రెగ్యూలర్‌ షూటింగ్‌ జరుగనుంది. ఇందులో హీరోయిన్‌గా వెంకీకి జోడీగా ఎంపిక చేసినట్టు సమాచారం. దీనిపై క్లారిటీ రావాల్సి ఉంది. ప్రస్తుతం ఈ వార్త సోషల్‌ మీడియాలో వైరల్‌గా మారింది. మీనాక్షి ఇలా ఒక్కో భారీ సినిమాని తన ఖాతాలో వేసుకుంటూ తన రేంజ్‌ని పెంచుకుంటుంది.
స్టార్‌ హీరోయిన్ల జాబితాలో పడేందుకు తపిస్తుంది. ఒకటి రెండు హిట్లు పడితే ఈ బ్యూటీ రేంజ్‌ మరింత పెరిగిపోతుందని చెప్పొచ్చు. అయితే సినిమాల ఎంపికలో మాత్రం ఈ బ్యూటీ ఆచితూచి వ్యవహరిస్తుందని టాక్‌. మరోవైపు సోషల్‌ మీడియాలో యాక్టివ్‌గా ఉంటుంది మీనాక్షి చౌదరీ. ఆమె గ్లామర్‌ షోతో అందరిని ఆకట్టుకుంటుంది. ఇంటర్నెట్‌ని షేక్‌ చేస్తుంది. ఇలా అందాల విందుతో మేకర్స్ కి ఎరవేస్తూ భారీ ఆఫర్లని కొల్లగొట్టడం విశేషం.
