ఆర్ఎక్స్100 వంటి చిన్న సినిమా ఇటీవల సంచలన విజయం సాధించిన విషయం తెలిసిందే. ఈ సినిమాతో దర్శకుడు అజయ్ భూపతి టాలీవుడ్లో హాట్ టాపిక్గా మారాడు. కేవలం రూ.3 కోట్లతో రూపొందిన ఈ సినిమా దానికి నాలుగింతలు కలెక్ట్ చేసి రికార్డ్ సృష్టించింది. ఓ థియేటర్ లో ఏకంగా బాహుబలి కలెక్షన్లనే మించిపోయింది. పాయల్ హాట్ హాట్ అందాలకు యువత ఫిదా అయ్యారు. అర్జున్ రెడ్డి స్ఫూర్తిగా ఈ సినిమా తెరకెక్కింది.
కార్తికేయ రఫ్ లుక్ ఆకట్టుకున్నది. లాంగ్ రన్ లో ఈ సినిమా మొత్తం రూ.11 కోట్ల రూపాయల షేర్ ను వసూలు చేసి నిర్మాతలు లాభాల పంటను పండించింది. దీంతో దర్శకుడు అజయ్ భూపతికి ..నిర్మాత అశోక్ గుమ్మకొండ ఓ కాస్ట్లీ బహుమతి ఇచ్చారు. జీప్ కార్ ను బహుమతిగా ప్రజెంట్ చేశాడు. కార్తికేయ, పాయల్ రాజ్పుత్లు హీరో హీరోయిన్లుగా తెరకెక్కిన ఆర్ఎక్స్ 100 సినిమాలో రావూ రమేష్. రాంఖీలు ఇతర కీలక పాత్రల్లో నటించారు. చైతన్య భరద్వాజ్ సంగీతమందించారు.
