కన్నడ నటుడు సుమంత్ శైలేంద్రను హీరోగా తెలుగు తెరకు పరిచయం చేస్తూ తెరకెక్కించిన ‘బ్రాండ్ బాబు’. ఈ చిత్రానికి బుల్లి తెర నటుడు ప్రభాకర్ దర్శకత్వం వహించాడు. ఈ చిత్రానికి మారుతి కథను సమకూర్చారు. కాగా ఈ సినిమా నిన్న (శుక్రవారం) విడుదలైంది. కాగా బంజారాహిల్స్ పోలీసు స్టేషన్లో ఈ సినిమా పై కేసు నమోదైంది.
తన ఫోటోను అనుమతి లేకుండా సినిమాలో ఉపయోగించడంపై ఓ మహిళా జర్నలిస్ట్ ఫిర్యాదు చేశారు. బ్రాండ్ బాబు సినిమాలో చనిపోయిన సన్నివేశంలో తన ఫోటో చూపారని బాధిత మహిళా జర్నలిస్ట్ ఫిర్యాదులో పేర్కొన్నారు. ఆమె ఫిర్యాదు మేరకు ఐపీసీ 509 సెక్షన్ కింద బంజారాహిల్స్ పోలీసులు కేసు నమోదు చేశారు.
