Bollywood disaster film:
బాలీవుడ్లో బాక్సాఫీస్ నంబర్స్ మీద ఓ కొత్త ట్రెండ్ స్పష్టంగా కనిపిస్తోంది. ఈ ట్రెండ్లో, కొన్ని ప్రొడ్యూసర్లు హీరోల ఈగోను సంతృప్తి పరచడానికి “కార్పొరేట్ బుకింగ్స్” అనే పద్దతిని ఫాలో అవుతున్నారు. సినిమాకు బుకింగ్స్ తక్కువగా ఉన్నప్పుడు, ఈ పద్ధతిలో నిర్మాతలు తమ సొంత డబ్బుతో టికెట్లు కొనుగోలు చేసి, థియేటర్లలో ఆడియన్స్ ఉన్నట్లుగా చూపిస్తారు.
ఇటీవల విడుదలైన ఒక పెద్ద హీరో సినిమా ఈ పద్దతిలో చిక్కుకుపోయిందని బాలీవుడ్ మీడియాలో హాట్ టాపిక్ అవుతోంది. ఈ సినిమా విడుదలకు ముందు నుంచే రూ.100 కోట్ల నష్టాలతో స్టార్ట్ అయింది. థియేటర్ల ద్వారా ఆ నష్టాలను కవర్ చేయాలని నిర్మాతలు భావించారు. కానీ ఆడియన్స్ నుంచి నిరుత్సాహకరమైన స్పందన రావడంతో, కార్పొరేట్ బుకింగ్స్ ద్వారా టికెట్లు కొనుగోలు చేసి, ఆడియన్స్కు ఫ్రీ వోచర్లు అందించారు.
అయితే, ఈ ప్రయత్నం కూడా ఫలించలేదు. సినిమా మీద ఆసక్తి లేని కారణంగా, బాక్సాఫీస్ వద్ద కలెక్షన్లు తీవ్రంగా పడిపోయాయి. ఇందులో పెట్టిన డబ్బు కూడా తిరిగి రాలేదు. దీంతో, నిర్మాతలకు ఇప్పటికే ఉన్న రూ.100 కోట్ల నష్టాలకు తోడు మరో రూ.50 కోట్లు నష్టాలు చేరాయి.
ఈ ఘటన బాలీవుడ్లో ఇటీవలి కాలంలో జరిగిన అతిపెద్ద డిజాస్టర్ల్లో ఒకటిగా నిలుస్తోంది. ప్రేక్షకులను ఆకర్షించే కంటెంట్ లేకపోవడం, మోసపూరిత ప్రమోషన్ పద్దతులు పెద్దగా సహాయం చేయకపోవడం వంటి అంశాలు ఇందుకు కారణం. ఇది నిర్మాతలకు కూడా గుణపాఠంగా మారింది అని చెప్పవచ్చు.
