యంగ్ హీరో నిఖిల్ కార్తికేయ-2పై అంచనాలు పెరిగిపోతున్నాయి. ఇటీవల విడుదలైన టీజర్కు ప్రేక్షకుల నుంచి మంచి స్పందన వస్తోంది. ఇప్పటికే విడుదలైన ఈ మూవీ పోస్టర్స్, టీజర్కు వస్తున్న రెస్పాన్స్ చూస్తుంటే మూవీపై భారీ అంచనాలు నెలకొన్నట్లు తెలుస్తోంది. ఈ సినిమాకు సంబంధించిన ఓ ఆసక్తికరమైన అప్డేట్ నెట్టింట చక్కర్లు కొడుతోంది.
జులై 22న ప్రపంచ వ్యాప్తంగా విడుదల కానున్న కార్తికేయ-2 సినిమా థియేట్రికల్ రైట్స్ భారీ ధర పలుకుతున్నట్లు తెలుస్తోంది. తెలుగు రాష్ట్రాల్లో 20 కోట్ల వరకు డీల్ కుదిరనట్టు వార్తలు వస్తున్నాయి. ఓ చిన్న హీరో సినిమాకు ఈ స్థాయిలో ధర పలకడం గొప్ప విషయం. చందు ముండేటి దర్శకత్వం వహించిన ఈ చిత్రం ‘కార్తికేయ’ చిత్రానికి సీక్వెల్గా రూపొందించారు. 2014లో వచ్చిన కార్తికేయ ఎంత పెద్ద విజయం సాధించిందో తెలిసిందే.
అర్జున్ సురవరం తర్వాత దాదాపు మూడేళ్లు బ్రేక్ తీసుకున్న నిఖిల్ ఇప్పుడు వరుస సినిమాలతో బిజీ అవుతున్నాడు. ప్రస్తుతం నిఖిల్ 4 సినిమాలకు సైన్ చేశాడు. అనుపమ పరమేశ్వరన్ హీరోయిన్గా నటించిన ఈ చిత్రాన్ని పీపుల్స్ మీడియా ఫ్యాక్టరి, అభిషేక్ అగర్వాల్ ఆర్ట్స్ బ్యానర్లపై టి.జి. విశ్వప్రసాద్, అభిషేక్ అగర్వాల్ సంయుక్తంగా నిర్మించారు. కాల భైరవ సంగీతం అందించారు. తెలుగు, హిందీ, తమిళం, మలయాళ, కన్నడ భాషల్లో విడుదల కానుంది.
