Aamir Khan Sitaare Zameen Par:
ఆమిర్ ఖాన్‌కి సినిమాల మీద ఎంత ప్యాషన్ ఉందో మనందరికీ తెలుసు. ఇప్పుడు ఆయన తాజా చిత్రం ‘సితారే జమీన్ పర్’ రిలీజ్‌కి కేవలం రెండు రోజులు మిగిలి ఉన్నా, ఒక స్మార్ట్ స్ట్రాటజీతో ముందుకొస్తున్నాడు. టికెట్ ధరలు తక్కువగా పెట్టిన ఈ నిర్ణయం ఇప్పుడు ఇండస్ట్రీలో చర్చనీయాంశంగా మారింది.
ఇటీవలె వచ్చిన పెద్ద సినిమాలతో పోల్చుకుంటే ఈ సినిమాకి టికెట్ ధరలు బాగా తక్కువగా ఉంటాయట. ముఖ్యంగా టియర్-2, టియర్-3 సిటీల్లో ఈ టికెట్ ధరలు మామూలుగా ఉండడం వల్ల ఎక్కువ మంది ప్రేక్షకులు మొదటి రోజు నుంచే థియేటర్స్‌కి రావొచ్చన్న అంచనాలో ఉంది యూనిట్.
ఇదంతా చూసినప్పుడు ఇది ఆడియన్స్‌కి ఫ్రెండ్లీగా ఉండడమే కాకుండా, ఒక రకంగా సేఫ్ గేమ్ ప్లే చేస్తున్నట్టు కూడా అనిపిస్తుంది. పూర్వం కొన్ని సినిమాలకు వచ్చిన మిశ్రమ స్పందనల నేపథ్యంలో, ఈసారి ఆమిర్ ఏ ఒక్క విషయం కూడా తటస్థంగా వదిలేయకుండా, అన్ని రంగాల్లో పక్కా ప్లానింగ్‌తో ముందుకెళ్తున్నాడు.
సెన్సార్ క్లియరెన్స్‌, స్క్రీన్ ఆలొకేషన్‌, ప్రమోషన్స్ – అన్నింటికీ ముందుగానే ప్లానింగ్ అయిపోయిందట. తక్కువ హైప్‌, కానీ ఎక్కువ విజిబిలిటీతో, సినిమాలో ఉన్న కాన్సెప్ట్‌ను అందరికీ అర్థమయ్యేలా ఇంటర్వ్యూల ద్వారా వివరించడం చూస్తుంటే, ఆమిర్ ఎంత కేర్‌ఫుల్‌గా ఈ సినిమా తీసుకెళ్తున్నాడో తెలుస్తోంది.
ట్రేడ్ వర్గాల మాట ప్రకారం, ఈ బడ్జెట్ ఫ్రెండ్లీ టికెట్ ధరల వల్ల తొలి రోజు మంచి ఓపెనింగ్ వచ్చే అవకాశం ఉందంటున్నారు. కానీ, సినిమాకి విజయాన్ని నిర్ణయించే అసలైన అంశం వర్డ్ ఆఫ్ మౌత్ అనే విషయం మాత్రం ఎవ్వరూ మర్చిపోవద్దు.
జూన్ 20న సినిమా బాక్సాఫీస్ టెస్ట్‌లో ఎలా పాస్ అవుతుందో చూడాలి!
ALSO READ: రికార్డు స్థాయిలో Coolie డీల్.. రజినీ క్రేజ్ మామూలుగా లేదుగా..
