Inside Akhil Zainab’s Wedding Reception – Who’s Invited?
Akhil Zainab’s Wedding Reception Details:
టాలీవుడ్ యంగ్ హిరో అఖిల్ అక్కినేని కొత్త జీవితం ప్రారంభించాడు. జూన్ 7న (శనివారం తెల్లవారుజామున) అతడు తన గర్ల్‌ఫ్రెండ్ జైనబ్ రవ్జీని పెళ్లి చేసుకున్నాడు. ఈ వేడుక అక్కినేని కుటుంబ నివాసంలో చాలా సన్నిహితంగా, సంప్రదాయబద్ధంగా జరిగింది. అక్కినేని నాగార్జున, అమల, నటి సమంత, నాగ చైతన్య వంటి కుటుంబ సభ్యులతో పాటు ఫిలిం ఫ్రటర్నిటీకి చెందిన కొంతమంది సన్నిహితులు మాత్రమే హాజరయ్యారు.
అఖిల్ – జైనబ్ ల పెళ్లికి సంబంధించిన ఫొటోలు ఇంకా బయటికి రాలేదే కానీ, కుటుంబానికి చెందినవాళ్లందరూ సోషల్ మీడియాలో శుభాకాంక్షలు చెబుతున్నారు. ఈ వివాహం పూర్తి ప్రైవేట్‌గా నిర్వహించబడింది.
ఇప్పుడు అందరి దృష్టి జూన్ 8న (ఆదివారం) జరగబోయే గ్రాండ్ వెడ్డింగ్ రిసెప్షన్ పైనే. ఈ రిసెప్షన్ హైదరాబాద్‌లోని కృష్ణానగర్‌లో ఉన్న అన్నపూర్ణ స్టూడియోలో రాత్రి 7:30 గంటలకు ప్రారంభం కానుంది. సినీ, రాజకీయ, వ్యాపార రంగాలకు చెందిన ప్రముఖులకు ఇప్పటికే ఆహ్వానాలు వెళ్లాయి. ఆహ్వాన పత్రంలో “అక్కినేని అన్నపూర్ణ మరియు నాగేశ్వరరావు ఆశీస్సులతో…” అనే మాట ప్రత్యేక ఆకర్షణగా ఉంది.
ఈ వేడుకకు ఆంధ్రప్రదేశ్ సీఎం చంద్రబాబు నాయుడు, తెలంగాణ సీఎం రేవంత్ రెడ్డి సహా రెండు రాష్ట్రాల మంత్రులు కూడా హాజరుకాబోతున్నారు.
అఖిల్ కెరీర్ పరంగా కొత్త దశలోకి అడుగుపెడుతుండగా, వ్యక్తిగత జీవితం లో కూడా కొత్త స్టార్ట్ ఇచ్చాడు. జైనబ్ ఒక సోషల్ మీడియా ఇన్‌ఫ్లూయెన్సర్‌గా గుర్తింపు తెచ్చుకుంది. ఈ జంటను అభిమానులు తెగ అభినందిస్తున్నారు.
ఇప్పుడు ఫ్యాన్స్ కూడా రిసెప్షన్ ఫొటోస్ కోసం ఎదురుచూస్తున్నారు. అన్నపూర్ణ స్టూడియోలో జరిగే ఈ ఘనమైన వేడుకకు టాలీవుడ్ నుంచే కాదు, బాలీవుడ్ నుండి కూడా అతిథులు రావొచ్చని సమాచారం.
