బాలీవుడ్ స్టార్ హీరో షారుక్ ఖాన్, తమిళ స్టార్ దర్శకుడు అట్లీతో చేస్తున్న చిత్రం ‘జవాన్’. హిందీతో పాటు పలు దక్షిణాది భాషల్లో ప్రేక్షకుల ముందుకు రాబోతోంది. షారుక్ సరికొత్త లుక్స్ లో కనిపిస్తున్న ఈ చిత్రంపై ఇప్పటికే భారీ అంచనాలు ఉన్నాయి.
తాజాగా అన్ని భాషల్లో ఈ రోజు సినిమా ట్రైలర్స్ విడుదలయ్యాయి. ‘అనగనగా ఒక రాజు.. ఒకదాని తర్వాత ఒకటి యుద్ధం ఓడిపోతూనే ఉన్నాడు’ అంటూ వాయిస్ ఓవర్ తో మొదలైన తెలుగు ట్రైలర్ థ్రిల్లర్ యాక్షన్ సన్నివేశాలతో ఆకట్టుకుంటోంది.
జవాన్తో పాటు పలు పాత్రల్లో షారుక్ మెప్పించారు. ఈ ట్రైలర్ లో నయనతార, దీపిక పదుకొనె, ప్రియమణితో పాటు విలన్ విజయ్ సేతుపతి క్యారెక్టర్లు చూపెట్టారు. ఆయుధాల డీలర్ పాత్రలో సేతుపతి కనిపించనున్నారు. ఈ సినిమా సెప్టెంబర్ ఏడో తేదీన ప్రపంచ వ్యాప్తంగా విడుదల కానుంది.
