జూనియర్ ఎన్టీఆర్ హోస్ట్గా ‘ఎవరు మీలో కోటీశ్వరులు’ రియాల్టీ షో ప్రీ ప్రొడక్షన్ పనులు జరుగుతున్న సంగతి తెలిసిందే. దీనికి సంబంధించిన పలు ప్రోమోలు సైతం అభిమానులను ఆకట్టుకున్నాయి. ఇప్పటికే ఈ షో కోసం అభిమానులు ఎంతో ఆసక్తిగా ఎదురుచూస్తున్నారు. అయితే కరోనా సెకండ్ వేవ్ ఉధృతి కారణంగా పలు సినిమా షూటింగ్లో మళ్లీ వాయిదా పడ్డాయి. దీంతో ‘ఎవరు మీలో కోటీశ్వరులు’ షో కూడా వాయిదా పడే అవకాశం ఉందని తెలుస్తోంది. మొత్తం ఈ సీజన్ 60 ఎపిసోడ్లు ఉండబోతున్నట్లు తెలుస్తోంది. దీనికోసం తారక్ రూ. 7 కోట్ల పారితోషికం తీసుకున్నాడట. కరోనా ప్రభావం లేకుంటే మేలో ఈ షో ప్రారంభమయ్యేది. ప్రస్తుతం జూన్లో ప్రారంభించే అవకాశాలున్నట్టు తెలుస్తోంది.
