యంగ్ రెబల్ స్టార్ ప్రభాస్ తాజాగా ‘ఆదిపురుష్’ ప్రకటించిన సంగతి తెలిసిందే. ప్రముఖ చిత్ర నిర్మాణ సంస్థ టీ-సీరీస్ 350 కోట్ల బడ్జెట్టుతో ఐదు భాషల్లో నిర్మిస్తున్న ఈ చిత్రానికి సంబంధించిన పలు విశేషాలు నిన్ననే వెల్లడయ్యాయి. ‘తానాజీ’ డైరెక్టర్ ‘ఓం రౌత్’ దర్శకత్వంలో తెరకెక్కే ఈ చిత్రం పురాణ కథ ఆధారంగా రూపొందనున్నట్లు తెలుస్తోంది.
విష్ణు అవతారమైన రాముడి పాత్రను పోలిన పాత్రను ఇందులో ప్రభాస్ పోషిస్తాడని తెలుస్తోంది. రామాయణాన్ని నేటి సాంఘిక పరిస్థితులకు అన్వయిస్తూ ఈ చిత్రం రూపొందుతుందని అంటున్నారు. అంటే సోషియో ఫాంటసీగా కూడా వుండే అవకాశాలు వున్నాయని చెప్పచ్చు. ఇక ఇందులో రాముడి పాత్రను ప్రభాస్ పోషిస్తుండగా, అతని సరసన సీతాదేవి వంటి పాత్రను ఎవరు పోషిస్తారనే విషయం ఇప్పుడు అభిమానుల్లో ఆసక్తికరంగా మారింది. ఈ నేపథ్యంలో ఆ పాత్ర కోసం కీర్తి సురేశ్ పేరు పరిశీలిస్తున్నట్టు తాజాగా ప్రచారం జరుగుతోంది. అయితే బాలీవుడ్ భామలు చాలామంది సీత రోల్ కోసం పోటీ పడుతుండగా.. ప్రభాస్ కూడా కీర్తివైపే మొగ్గుచూపినట్టు తెలుస్తోంది.
