Mohan Lal Remuneration:
మలయాళ మెగాస్టార్ మోహన్‌లాల్ ఇప్పుడు తన పారితోషికాన్ని భారీగా పెంచాలని చూస్తున్నారు. తాజా సమాచారం ప్రకారం, ఆయన రూ.20 కోట్లకు పైగా డిమాండ్ చేస్తున్నట్లు టాలీవుడ్, కోలీవుడ్ వర్గాల్లో చర్చ నడుస్తోంది. దీనికి ప్రధాన కారణం ఆయన తాజా సినిమాలు L2: Empuraan మరియు Thudaarum బాక్సాఫీస్ వద్ద భారీ కలెక్షన్లు సాధించడం.
ఒక ప్రముఖ నిర్మాత మాటల ప్రకారం, ఈ రెండు సినిమాలు కలిపి ఇప్పటికే రూ.350 కోట్లకు పైగా గ్రాస్ కలెక్షన్లు నమోదు చేశాయి. ఇంకా థియేటర్లలో మంచి రన్ కొనసాగుతోంది. ఈ విజయంతో మోహన్‌లాల్ ఇప్పుడు తన మార్కెట్ విలువను కొత్త స్థాయికి తీసుకెళ్లేందుకు సిద్ధమవుతున్నారు.
ఇప్పటివరకు మోహన్‌లాల్ రెమ్యూనరేషన్ విషయంలో చాలా ఫ్లెక్సిబుల్‌గా ఉండేవారు. తమిళ, తెలుగు స్టార్స్‌ లా భారీ డిమాండ్లు పెట్టేవారు కాదు. కానీ ఈసారి పరిస్థితి మారింది. పరిశ్రమ వర్గాల సమాచారం ప్రకారం, ఈ కొత్త నిర్ణయం మోహన్‌లాల్‌ను మలయాళ సినీ పరిశ్రమలో అత్యధిక పారితోషికం తీసుకునే హీరోగా నిలిపేయవచ్చు. మమ్ముట్టి, దుల్కర్ సల్మాన్, ఉన్ని ముకుందన్ వంటి స్టార్లను కూడా ఈ విషయంలో మోహన్‌లాల్ దాటవేస్తారని ఊహిస్తున్నారు.
ప్రస్తుతం మోహన్‌లాల్ కెరీర్ మళ్లీ పిక్‌లోకి వచ్చిందని చెప్పొచ్చు. ఈ దశలో పారితోషిక పెంపు అతనికి న్యాయంగా ఉందనే అభిప్రాయం కొంతమంది పెట్టినా, మరికొంత మంది మాత్రం ఇది నిర్మాతలపై భారమవుతుందని అంటున్నారు.
