Dil Raju Upcoming Movies:
తెలుగు సినిమా పరిశ్రమలో బాక్సాఫీస్ కలెక్షన్లు తగ్గిపోతున్నాయన్న విషయం ఇప్పుడు అందరికీ తెలుసు. అయితే, ఈ విషయాన్ని చాలా మంది స్టార్లు సీరియస్గా తీసుకోవడం లేదు అని దిల్ రాజు ఇటీవల మాధ్యమాలకు ఇచ్చిన ఇంటర్వ్యూలో స్పష్టం చేశారు.
“ఒరిజినల్ కలెక్షన్స్ను చూస్తే ఫిగర్స్ మళ్లీ తక్కువే ఉంటున్నాయి… కానీ నటులు మాత్రం హైఫై నంబర్లు కోట్ చేస్తూ ఉన్నారు” అని ఆయన అంటారు. అలాగే, ఈ పరిస్థితికి నిర్మాతలు కూడా కారణమేనని ఒప్పుకున్నారు.
అందులో భాగంగానే, దిల్ రాజు ఒక్కో సినిమాకి టికెట్ ధరలు పెంచడమే ప్రేక్షకుల్ని థియేటర్లకు రావడాన్ని తగ్గించిందని అన్నారు. చిన్న సినిమా, మిడ్రేంజ్ సినిమా అయినా – పెద్ద సినిమాలా టికెట్ ధరలు పెట్టడమే ఓ తప్పు అని అభిప్రాయపడ్డారు.
ప్రస్తుతం పరిస్థితి ఏంటంటే, ప్రేక్షకులు మొదటి రోజు వెళ్లకుండా, OTTకి వచ్చేదాకా లేదా వర్డ్ ఆఫ్ మౌత్ పాజిటివ్ టాక్ వచ్చే దాకా వెయిట్ చేస్తున్నారు.
దాంతో ఆయన నిర్మాతలందరికీ ఒక సలహా ఇచ్చారు – “ఇకపై మిడ్రేంజ్ సినిమాలకి టికెట్ ధరలు పెంచమని అడగొద్దు” అని. పెద్ద సినిమాలకు మాత్రం ఇంకా క్లారిటీ ఇవ్వలేదు కానీ తమ్ముడు లాంటి తన సినిమాలకు మాత్రం టికెట్ హైక్కి వ్యతిరేకమని చెప్పారు.
ఇంతకీ బాటమ్ లైన్ ఏమిటంటే, తెలుగు ఇండస్ట్రీ ఈ టైమ్లో తలదించుకుని అసలు పరిస్థితిని అర్థం చేసుకోవాల్సిన సమయం వచ్చేసింది. నటీనటులూ, నిర్మాతలూ కలిసే చైతన్యం చూపిస్తేనే టికెట్ల వ్యవహారంలో మార్పు వస్తుంది.
ALSO READ: Kannappa Review: మంచు విష్ణు డబుల్ రిస్క్.. కానీ ఫలితం ఏంటి?
