పుణ్య క్షేత్రాల సందర్శనకు సప్తగిరి ఎక్స్ ప్రెస్!

శ్రీ సాయి సెల్యులాయిడ్ సినిమాటిక్ క్రియేషన్స్ పతాకం పై మాస్టర్ హోమిమోపతి అధినేత డాక్టర్ రవికిరణ్ నిర్మించిన సినిమా సప్తగిరి ఎక్స్ ప్రెస్. టాలీవుడ్ స్టార్ కమెడియన్ సప్తగిరి హీరోగా ఎంట్రీ ఇస్తోన్న ఈ సినిమా డిసెంబర్ 23న ప్రపంచవ్యాప్తంగా విడుదల అవుతోంది. ఈ సందర్భంగా సప్తగిరి ఎక్స్ ప్రెస్ టీమ్ దేశంలో ఉన్న ప్రముఖ దేవాలయాల్లో పూజా కార్యక్రమాలు నిర్వహస్తోంది. ఈ బృందం ముందుగా డిసెంబర్ 17న శ్రీశైలం, డిసెంబర్ 20న తిరుపతి, డిసెంబర్ 21న షిరిడి వెళ్లేలా సన్నాహాలు చేస్తున్నట్లుగా నిర్మాత రవికిరణ్ తెలిపారు.

ఇది ఇలా ఉంటే ఇప్పటికే విడుదలైన ఈ సినిమా ఆడియోకు, టీజర్ కు, ట్రైలర్ ప్రేక్షకుల నుంచి విశేష స్పందన లభిస్తోంది. అదే రీతిన వచ్చే శుక్రవారం విడుదల కాబోతున్న సినిమాకు కూడా భారీ స్థాయిలో రెస్పాన్స్ వస్తోందని సప్తగిరి ఎక్స్ ప్రెస్ టీమ్ థీమా వ్యక్తం చేస్తున్నారు.

ఇక ఈ సినిమాతో కన్నడ భామ రోషిణి ప్రకాష్, సంగీత దర్శకుడు విజయ్ బుల్గానిన్ తెలుగు చిత్ర సీమకు పరిచయం అవుతున్నారు. హైదరాబాద్, పోలాండ్, జర్మనీల్లో సప్తగిరి ఎక్స్ ప్రెస్ షూటింగ్ జరిగింది. సినిమాటోగ్రాఫ్ రామ్ ప్రసాద్, ఎడిటర్ గౌతంరాజు ఈ సినిమాను తమ నైపుణ్యంతో ప్రేక్షకుల్ని ఆద్యంతం అలరించే విధంగా తీర్చి దిద్దారని చిత్ర బృందం తెలిపింది.