సూపర్ స్టార్ రజినీకాంత్ ప్రస్తుతం ‘దర్బార్’ సినిమా చేస్తున్నారు. ఈ సినిమా షూటింగ్ పూర్తి కావొచ్చింది. ఇప్పటి వరకు యూనిట్ కేవలం ఫోటోలను మాత్రమే విడుదల చేయగా, త్వరలోనే ఈమూవీకి సంబంధించిన టీజర్, సాంగ్స్ ను రిలీజ్ చేయబోతున్నారు. టీజర్ తో ప్రమోషన్ స్టార్ట్ చేయబోతున్నట్టు సమాచారం. మురుగదాస్ దర్శకత్వంలో తెరకెక్కుతున్న ఈ సినిమాపై అంచనాలు భారీ స్థాయిలో ఉన్నాయి. తాజా సమాచారం ప్రకారం, రజినీకాంత్ దర్బార్ సినిమాకోసం తెలుగులో ముగ్గురు నిర్మాతలు పోటీ పడుతున్నారని తెలుస్తోంది.
దిల్ రాజు – ఎన్వీ ప్రసాద్- యూవీ క్రియేషన్స్ సంస్థలు ఈ సినిమా రైట్స్ కోసం ప్రయత్నం చేస్తున్నాయి. గత కొంతకాలంగా రజినీకాంత్ సినిమాలు తెలుగులో పెద్దగా విజయం సాధించడం లేదు. కానీ, క్రేజ్ మాత్రం తగ్గడం లేదు. 2పాయింట్ 0 సినిమాను భారీగా కొనుగోలు చేసినా.. దానికి తగినట్టుగా వసూళ్లు సాధించలేదు. దీంతో ఇప్పుడు ఈ సినిమాను తక్కువకు తీసుకోవడానికి ముగ్గురు కలిసి కోట్ చేసినట్టు సమాచారం. అంతకు మించి ఒక్క రూపాయి కూడా ఎక్కువగా ఇచ్చేందుకు నిర్మాతలు సిద్ధంగా లేరని తెలుస్తోంది. మరి లైకా సంస్థ వీరికి రైట్స్ ఇస్తుందా లేదంటే వేచి చూస్తుందా చూడాలి.
