టాలీవుడ్ విలక్షణ నటుడు రావు రమేష్ తాజాగా ‘మహా సముద్రం’ సినిమాలో నటిస్తున్నారు. నేడు ఆయన పుట్టినరోజు సందర్భంగా శుభాకాంక్షలు తెలుపుతూ.. ఈ చిత్రం నుండి రావు రమేష్ ఫస్ట్ లుక్ పోస్టర్ ని చిత్ర యూనిట్ విడుదల చేసింది. ఇందులో గూని బాబ్జీగా రావు రమేష్ ఒక కీలక పాత్రలో నటిస్తున్నట్లు చిత్రబృందం వెల్లడించారు. ఈ పోస్టర్ లో రావు రమేష్ లుక్ ఆకట్టుకుంటుంది. ఈ సినిమాలో రావు రమేష్ మరోసారి ఒక ఛాలెంజింగ్ రోల్ చేస్తున్నట్లు పోస్టర్ ద్వారా తెలుస్తోంది. అజయ్ భూపతి డైరెక్షన్లో వస్తున్న చిత్రం ‘మహా సముద్రం’. ఈ సినిమాలో శర్వానంద్, సిద్ధార్థ్ హీరోలుగా నటిస్తున్నారు. అదితి రావు హైదరి, అను ఇమ్మాన్యుయేల్ లు హీరోయిన్లు నటిస్తున్నారు. ఏకే ఎంటర్టైన్మెంట్స్ పతాకంపై సుంకర రామబ్రహ్మం నిర్మిస్తున్న ఈ సినిమా ఆగస్ట్ 19న ప్రేక్షకుల ముందుకు రానుంది.
