బాలీవుడ్ బ్యూటీ జాన్వీకపూర్.. జూనియర్ ఎన్టీఆర్ హీరోగా నటిస్తున్న ‘దేవర’ సినిమాతో టావుడ్లో ఎంట్రీ ఇస్తున్న సంగతి తెలిసిందే. ఈ సినిమా సెట్స్ మీద ఉండగానే.. ఈ అమ్మడు మరో టాలీవుడ్ మూవీని ఫిక్స్ చేసుకుంది.
మెగా పవర్స్టార్ రామ్ చరణ్ హీరోగా.. ఉప్పెన ఫేం బుచ్చిబాబు సానా డైరెక్షన్లో ‘RC16’ మూవీ వస్తున్న సంగతి తెలిసిందే. ఈ సినిమాలో జాన్వీ హీరోయిన్గా నటించనున్నట్లు ఇప్పటికే వార్తలు వచ్చాయి. బోనీ కపూర్ కూడా ఇటీవలే ఓ ఇండర్వ్యూలో కన్ఫర్మ్ చేశారు.
ఈరోజు జాన్వీ పుట్టిన రోజు… ఈ సందర్భంగా.. RC16 టీమ్ ఆమెను హీరోయిన్గా అధికారీకంగా ప్రకటించారు. జాన్వీకి వెల్కమ్ చెబుతూ.. పోస్టర్ను విడుదల చేశారు. దీంతో టాలీవుడ్లో జాన్వీ రెండోవ సినిమా ఫిక్స్ అయిపోయింది. బాలీవుడ్లో జాన్వీకి ఒక సరైన హిట్ కూడా రాలేదు. అయితే టాలీవుడ్లో ఇద్దరూ స్టార్ హీరోలతో నటించే అవకాశం రావడంతో.. తెలుగులో ఈమె ఖచ్చితంగా హిట్ వస్తుంది అని అంటున్నారు నెటిజన్లు.
RC గురించి మాత్రం తరుచూగా ఏదో ఒక వార్త వినిపిస్తూనే ఉంది. ఇప్పటికే ఈ సినిమా స్క్రిప్ట్ వర్క్ మొత్తం పూర్తయిపోయినట్టు సమాచారం. RC16 సినిమా ఉత్తరాంధ్ర బ్యాక్ డ్రాప్ తో తీస్తుండటంతో ఆల్రెడీ ఉత్తరాంధ్ర జిల్లాల్లో కొత్త నటీనటుల కోసం ఆడిషన్స్ కూడా పెట్టి కొంతమందిని సెలెక్ట్ చేశారు. ఈ సినిమాకి ఏఆర్ రహమాన్ సంగీతం అందిస్తారు. కన్నడ స్టార్ యాక్టర్ శివరాజ్ కుమార్ ఓ కీలక పాత్రలో నటించనున్నట్లు టాక్. గేమ్ ఛేంజర్ షూటింగ్ పూర్తవ్వగానే..ఈ సినిమా మొదలు పెడతారని సమాచారం.
