మెగా హీరో సాయి ధరమ్ తేజ్ సినిమాల నుంచి మరోసారి గ్యాప్ తీసుకోబోతున్నాడు. ఆరు నెలల పాటు సినిమాలకు దూరంగా ఉండబోతున్నట్టు సాయి తేజ్ ప్రకటించాడు. ప్రమాదం నుంచి కోలుకున్న తర్వాత సాజి తేజ్ 2 సినిమాల్లో నటించాడు. రీఎంట్రీ తర్వాత వచ్చిన ‘విరూపాక్ష’ ఘన విజయం సాధించింది. రీసెంట్గా పవన్ కల్యాణ్తో కలిసి నటించిన ‘బ్రో’ ఈ నెల 28న ప్రేక్షకుల ముందుకు రానుంది.
ప్రమాదం నుంచి కోలుకున్నప్పటికీ ఇంకా సాయితేజ్ ఇబ్బంది పడుతున్నాడు. అందుకే సినిమాల నుంచి బ్రేక్ తీసుకోవాలని నిర్ణయించుకున్నాడు. తాను ఓ చిన్న సర్జరీ చేయించుకోవాల్సి ఉందని తెలిపాడు. సర్జరీ తర్వాత మరింత బలంగా, పూర్తి ఫిట్నెస్తో రానున్నట్టు తెలిపాడు.
బ్రో సినిమా ప్రమోషన్లో భాగంగా పాల్గొన్న ఓ ఇంటర్వ్యూలో సాయితేజ్ ఈవిషయాన్ని వెల్లడించారు. బ్రో సినిమా తాను 21 రోజులు షూటింగ్లో పాల్గొన్నట్టు తెలిపారు. సర్జరీ కారణంగా కొత్తగా సినిమా కథలను కూడా వినలేదని అన్నాడు. బ్రేక్ తర్వాత దర్శకుడు సంపత్ నంది సినిమాలో నటిస్తానని వెల్లడించాడు.
