Pawan Kalyan Movies:
పవన్ కళ్యాణ్ ఇప్పుడు ఆంధ్రప్రదేశ్ డిప్యూటీ సీఎం గా సేవలందిస్తున్న సంగతి తెలిసిందే. కానీ ఇది రెండు దశాబ్దాల క్రితమే జరిగిపోయి ఉండేది అన్న సంగతి ఇటీవల వెల్లడైంది.
తాజాగా ‘హరి హర వీర మల్లు’ ప్రమోషన్ సందర్భంగా నిర్మాత ఏ ఎం రత్నం ఓ ఆసక్తికర విషయాన్ని బయటపెట్టారు. ఆయన చెబుతూన్నారు – ‘‘2003లో పవన్ కళ్యాణ్ దర్శకత్వంలో ‘సత్యాగ్రహి’ అనే సినిమా చేయాలని ప్లాన్ చేశాం. గ్రాండ్ లాంచ్ కూడా చేసాం. కానీ ‘జానీ’ ఫలితం నిరాశ కలిగించడంతో పవన్ గారు స్క్రిప్ట్ పూర్తిచేయలేదు. ఆ సినిమా ఆగిపోయింది,’’ అని చెప్పారు.
ఇక్కడే అసలైన ట్విస్ట్ ఉంది. ‘‘ఇటీవల పవన్ గారిని కలిశాను. ‘సత్యాగ్రహి’ విషయం ప్రస్తావించాను. అప్పుడు పవన్ కళ్యాణ్ చెప్పారు – ‘అది సినిమా తీసుంటే నేనేం రాజకీయాల్లోకి వచ్చేదానిని కాదు. ఆమీర్ ఖాన్ మాదిరిగా నటించేవాడిని’ అని అన్నారు,” అని ఏ ఎం రత్నం వెల్లడించారు.
అంటే ఒక సినిమానే పవన్ కళ్యాణ్ జీవితాన్ని పూర్తిగా మార్చేసినట్లే. ‘సత్యాగ్రహి’ పూర్తయి ఉంటే, ఆయన నాయకత్వం పైన కన్నేసిన జనసేన పార్టీ జన్మించేది కాదు. రాజకీయాల్లోకి అడుగుపెట్టే ప్రశ్నే రాలేదని చెప్పవచ్చు.
‘సత్యాగ్రహి’ అనేది రాజకీయ నేపథ్యంలో ఉండే సినిమా. ప్రముఖ స్వాతంత్ర్య సమరయోధుడు లోకనాయక్ జయప్రకాశ్ నారాయణ గారి ‘ఎమర్జెన్సీ ఉద్యమం’ ఆధారంగా కథ రాసారని తెలుస్తోంది.
ఇప్పుడు పవన్ కళ్యాణ్ డిప్యూటీ సీఎం స్థాయికి చేరడం, జనంలో తనకున్న క్రేజ్ చూస్తుంటే… ఆ సినిమా వచ్చుంటే టాలీవుడ్ కి పవర్ స్టార్ మరింత సినిమాలు అందించేవారు, రాజకీయాల్లోకి రావడం ఆలస్యమయ్యేదేమో!
ALSO READ: ఒకే ఒక్క నెలలో ఇన్ని Tollywood Controversies జరిగాయా?
