Subham OTT Release Date:
సమంత రూత్ ప్రభు నిర్మాణంలో రూపొందిన తొలి సినిమా శుభం ఓ మోస్తరు బాక్సాఫీస్ కలెక్షన్లు సాధిస్తోంది. హారర్ కామెడీ జానర్‌లో వచ్చిన ఈ చిత్రానికి ప్రవీణ్ దర్శకత్వం వహించారు.
ఈ సినిమా థియేటర్లలో నిలకడగా ఆడుతున్నప్పటికీ, ఓటీటీ హక్కుల విషయంలో ఇప్పుడు కొన్ని పెనుమార్పులు చోటు చేసుకుంటున్నట్లు సమాచారం. మొదటగా సమంత జీ సంస్థ (ఇప్పటి Zee)కి థియేటర్ రిలీజ్‌కి ముందు శుభం మూవీకి సంబంధించిన ఓటీటీ, శాటిలైట్ హక్కులను అమ్మేసిందట.
కానీ తాజా సమాచారం ప్రకారం, జీ సంస్థ తాజాగా ఇచ్చిన కొత్త డీల్‌లో ధర తగ్గించడంతో సమంత అసంతృప్తికి లోనైందట. ఈ పరిణామాల నేపథ్యంలో, ఆమె మరో ఓటీటీ ప్లాట్‌ఫామ్‌తో చర్చలు జరుపుతున్నట్లు తెలుస్తోంది. తాజా బజ్ ప్రకారం, జియో హాట్‌స్టార్పై శుభం స్ట్రీమింగ్‌కు అవకాశం ఉన్నట్టు వినిపిస్తోంది.
ఇప్పటికైతే ఈ విషయంలో అధికారిక ప్రకటన రావాల్సి ఉంది. కానీ ఇలాంటి మార్పులు జరిగితే, ఓటీటీ ప్లాట్‌ఫామ్‌పై విడుదల కావాలనుకునే ప్రేక్షకులకు ఇది మంచి వార్త కావొచ్చు. సమంత నిర్మాతగా చేసే మొదటి సినిమానే కావడంతో, ఆమె ప్రతిష్టకు ఇది ఎంతో కీలకం.
ఈ సినిమాలో హర్షిత్ మల్గిరెడ్డి, శ్రియ కొంతం, చరణ్ పేరి, శాలిని కొండేపూడి, గవిరెడ్డి శ్రీనివాస్, శ్రావణి కీలక పాత్రల్లో నటించారు. మ్యూజిక్‌ను షోర్ పోలీస్ అందించగా, నేపథ్య సంగీతాన్ని వివేక్ సాగర్ అందించారు.
ALSO READ: Theaters Shutdown కారణంగా ఇన్ని కోట్ల నష్టం వస్తుందా?
