Theaters Shutdown to affect Telugu Summer Releases 2025:
2025 సమ్మర్ సీజన్‌లో పెద్ద హీరోల సినిమా రాకుండా సుదీర్ఘకాలానికొకసారి గడిచిపోనుందేమో అనిపిస్తోంది. కానీ, జూన్ మొదటి వారం నుంచి పవన్ కళ్యాణ్ ‘హరిహర వీర మల్లు’, ఎన్టీఆర్ ‘వార్ 2’, ధనుష్-నాగార్జున ‘కుబేర’, రజినీకాంత్ ‘కూలీ’ వంటి భారీ సినిమాలు రిలీజ్‌కి రెడీ అవుతున్నాయి.
అయితే ఇప్పుడు తెలుగు సినీ పరిశ్రమకి శాక్ ఇచ్చేలా సింగిల్ స్క్రీన్ థియేటర్ల యాజమాన్యాలు సంచలన నిర్ణయం తీసుకున్నాయి. ఆంధ్రప్రదేశ్, తెలంగాణల్లోని సుమారు 65 థియేటర్ ఎగ్జిబిటర్లు సంయుక్తంగా మాట్లాడి, జూన్ 1 నుంచి తమ థియేటర్లను మూసేస్తామని ప్రకటించారు.
ఈ నిర్ణయం ఫిలిం చాంబర్‌లో జరిగిన సమావేశంలో తీసుకున్నారు. డిస్ట్రిబ్యూటర్లు, ప్రొడ్యూసర్లు థియేటర్లలో సినిమాలు “రెంటల్” విధానంలో వేస్తే తమకు నష్టమవుతుందని ఎగ్జిబిటర్లు చెబుతున్నారు. అందుకే ఈ విధానాన్ని వ్యతిరేకిస్తూ థియేటర్లు మూసివేయాలని నిర్ణయించుకున్నారు. ఈ విషయాన్ని నిర్మాతల మండలి, గిల్డ్‌కి ఫిలిం చాంబర్ తెలియజేయనుంది.
ఈ సమ్మర్‌లో రిలీజ్‌కి సిద్ధంగా ఉన్న పెద్ద సినిమాలు మిల్లియన్ల రూపాయల పెట్టుబడులతో తెరకెక్కాయి. థియేటర్లు మూసిపోతే ఆ సినిమాల బిజినెస్‌కు భారీ దెబ్బ తగిలే అవకాశం ఉంది. అంచనా ప్రకారం రూ.1000 కోట్లకు పైగా లాస్ జరగొచ్చని సినీ వర్గాలు అంటున్నాయి.
ఇప్పుడు అందరి దృష్టీ ప్రొడ్యూసర్లు, డిస్ట్రిబ్యూటర్ల మీదే ఉంది. వారు ఎగ్జిబిటర్లతో మాట్లాడి సమస్యను ఎలా పరిష్కరిస్తారో చూడాలి. లేకపోతే, ఈ సమ్మర్ థియేటర్లలో సందడి లేకుండానే గడిచిపోవచ్చు!
ALSO READ: రెమ్యూనరేషన్ తీసుకోను అని నిర్మాతలకి షాక్ ఇచ్చిన Pawan Kalyan
