Odela 2 OTT release date:
తమన్నా ప్రధాన పాత్రలో నటించిన పాన్-ఇండియా సూపర్ నేచురల్ థ్రిల్లర్ “ఓడెల 2” ఇప్పుడు ఓటీటీ స్ట్రీమింగ్‌కు సిద్ధంగా ఉంది. ఏప్రిల్ 17న థియేటర్లలో విడుదలైన ఈ సినిమా బాక్సాఫీస్ వద్ద ఆశించిన స్థాయిలో రాణించలేకపోయింది. అయితే తమన్నా నటన మాత్రం ప్రేక్షకుల్ని ఆకట్టుకుంది, ముఖ్యంగా ఆమె “నాగ సాధు” పాత్రకు మంచి స్పందన వచ్చింది.
తాజాగా విడుదలైన అప్డేట్ ప్రకారం, ఓడెల 2 మే 8 నుండి అమెజాన్ ప్రైమ్ వీడియోలో స్ట్రీమింగ్‌కి రానుంది. థియేటర్ రిలీజ్‌కి మూడువారాల వ్యవధిలోనే ఓటీటీలోకి వస్తుండటం విశేషం. ఈ సినిమా తెలుగు, తమిళం, మలయాళం, కన్నడ, హిందీ భాషల్లో అందుబాటులో ఉండనుంది, అందుకే ఇది నిజంగా పాన్-ఇండియా అనిపిస్తుంది.
Forever grateful for this beautiful ride 🙏🏻#Odela2 out in theaters tomorrow, 17th April. pic.twitter.com/gzsKNjgU7Y
— Tamannaah Bhatia (@tamannaahspeaks) April 16, 2025
ఈ సినిమాలో తమన్నాతో పాటు హెబ్బా పటేల్, వశిష్ట ఎన్సీ సింహా ముఖ్య పాత్రల్లో నటించారు. అశోక్ తేజ దర్శకత్వం వహించగా, డి. మధు తన మధు క్రియేషన్స్ బ్యానర్‌పై ఈ సినిమాను నిర్మించారు. చిత్రానికి సంపత్ నంది క్రియేటివ్ డైరెక్టర్‌గా వ్యవహరించారు. సంగీతాన్ని ‘కాంతార’ ఫేమ్ అజనీష్ లోక్‌నాథ్ అందించారు, ఆయన సంగీతం సినిమాకు మంచి హైలైట్ గా నిలిచింది.
ఓడెల 2 ఓ మిస్టరీ, హారర్, థ్రిల్లర్ నేపథ్యంలో నడిచే కథ. గ్రామీణ నేపథ్యం, నాగ సంప్రదాయాలు, మాయాజాలం అన్నీ కలిసి ఈ సినిమాకు ప్రత్యేక ఆకర్షణగా నిలిచాయి. థియేటర్ రిలీజ్‌ సమయంలో పెద్ద హైప్ లేకపోయినా, ఇప్పుడు ఓటీటీలో మాత్రం దీనికి మంచి వ్యూయర్‌షిప్ వస్తుందని అంచనా.
ALSO READ: Jr NTR War 2 తెలుగు రైట్స్ కోసం రికార్డు స్థాయిలో ఆఫర్లు
