Theater Ban June 2025:
తెలుగు ఫిలిం ఇండస్ట్రీకి ఊరట కలిగించిన నిర్ణయం ఇది. ఆంధ్రప్రదేశ్, తెలంగాణలోని సింగిల్ స్క్రీన్ థియేటర్లను జూన్ 1, 2025 నుంచి మూసివేయాలన్న నిర్ణయాన్ని అప్రస్తుతం వాయిదా వేశారు. ఫిలిం చాంబర్ సమావేశంలో ఈ నిర్ణయం తీసుకోవడం జరిగింది. థియేటర్ ఎగ్జిబిటర్లు, డిస్ట్రిబ్యూటర్లు, ప్రొడ్యూసర్లు కలిసి ఈ చర్చల్లో పాల్గొన్నారు.
40 మంది థియేటర్ ఎగ్జిబిటర్లు, పలువురు డిస్ట్రిబ్యూటర్లు, ప్రొడ్యూసర్లు పాల్గొన్న ఈ సమావేశంలో, త్వరలో రిలీజ్ కానున్న పెద్ద సినిమాల నేపథ్యంలో థియేటర్లు మూసివేయడం ఇప్పుడు సరైన నిర్ణయం కాదని భావించారు. పాత సమస్యలైన రెంట్ వ్యవస్థ, రెవెన్యూ షేరింగ్‌పై చర్చలు కొనసాగుతూనే ఉన్నాయి. కానీ ప్రేక్షకుల్ని థియేటర్లకి రప్పించేందుకు కొత్త మార్గాలు వెతుకుదామని నిర్ణయం తీసుకున్నారు.
ఇటీవల Qube వ్యవహారం వల్ల కొన్నాళ్ల పాటు థియేటర్లు మూతబడ్డాయి. అలాగే, యాక్టర్ల రెమ్యూనరేషన్ పెరుగుదలపై షూట్లు కూడా ఆపబడ్డాయి. కానీ ఇవన్నీ తాత్కాలిక పరిష్కారాలే. ఈ పరిస్థితుల్లో మరోసారి థియేటర్లు మూసివేస్తే, ఆర్ధికంగా ఇంకా ఎక్కువ నష్టాలు వస్తాయని అందరూ అంగీకరించారు.
ఇకపై ఒక స్థిర పరిష్కారం కోసం కలిసి పనిచేయాలని నిర్ణయించారు. సినిమా థియేటర్లకు ఇకపై మళ్లీ ప్రేక్షకులను ఆకర్షించాలంటే, టికెట్ ధరలు తగ్గించడం, మంచి కంటెంట్ అందించడం, పిరసీని అరికట్టడం వంటి చర్యలు అవసరం అని అభిప్రాయపడుతున్నారు.
OTTలు, IPLలు, పిరసీ వల్ల థియేటర్ వ్యాపారం చాలా తగ్గిపోయింది. కానీ ఇప్పుడు విడుదలకు సిద్ధంగా ఉన్న పెద్ద సినిమాలు – ‘హరి హర వీర మల్లు’, ‘కన్నప్ప’, ‘కుబేర’, వంటి సినిమాల విడుదలతో థియేటర్ బిజినెస్ తిరిగి జోరుపడే అవకాశం ఉంది. అందుకే థియేటర్ల మూతవేతను రద్దు చేయడం వెనుక చాలా ఆలోచనలున్నాయి.
ALSO READ: June Releases జాబితాలో పెద్ద సినిమాలు ఇవే!
