Puri Jagannath Vijay Sethupathi movie updates:
పూరి జగన్నాథ్ పేరు చెప్పగానే యూత్ఫుల్ మాస్ ఎంటర్టైనర్లు గుర్తొస్తాయి. కానీ ఇటీవల వచ్చిన ‘లైగర్’, ‘డబుల్ ఇస్మార్ట్’ పరాజయాలతో పూరి కాస్త వెనకబడిపోయాడు. అయితే ఇప్పుడు మళ్లీ అదే జోరులో తిరిగొచ్చేందుకు మేడ మీద మేజర్ ప్లాన్ వేసేశాడు.
ఈసారి పూరి అన్ని విషయాల్లో జాగ్రత్తగా అడుగులు వేస్తున్నాడు. కథ విషయంలో ఎన్నడూ లేనంత కసరత్తు చేసి, ఓ సాలిడ్ స్క్రిప్ట్ రెడీ చేసుకున్నాడు. ఇందులో ప్రధాన పాత్రలకు సెలెక్షన్ చాలా జాగ్రత్తగా చేస్తున్నాడు. మొదటగా విజయ్ సేతుపతిని కథ చెప్పి ఓకే చేయించేశాడు. ఇదే పూరికి ఈ ప్రాజెక్టులో మొదటి విజయంగా చెప్పొచ్చు.
విజయ్ సేతుపతి – పూరి కాంబినేషన్ అంటేనే మాస్కు మజా పక్కా. ఆ తర్వాత ఈ టీమ్లో టాలెంటెడ్ నటి టబు చేరింది. ప్రతినాయకుడిగా దునియా విజయ్ను తీసుకోవడం కూడా ఆసక్తికరమే. వీరంతా కలిసి ఒకే సినిమాలో ఉంటే క్రేజ్ ఎలా ఉండబోదు చెప్పండి!
ఇక కథానాయిక ఎంపికపై కూడా ఊహాగానాలు నడుస్తున్నాయి. నివేదా థామస్, రాధికా ఆప్టే పేర్లు బయటకు వచ్చినా, టీమ్ మాత్రం వీరిని సంప్రదించలేదని చెబుతోంది. ఒకే హీరోయిన్ ఉంటుందని, ఆమె బాలీవుడ్కి చెందిన నటి అని తెలుస్తోంది. ఆమె పేరు త్వరలో అధికారికంగా తెలియజేస్తారట.
ఈ సినిమాకు ‘బెగ్గర్’ అనే టైటిల్ను పూరి పరిగణనలో పెట్టుకున్నాడు. అర్థవంతమైన టైటిల్తో, విలక్షణమైన కథతో వస్తోందని టాక్. పూరి ప్లాన్ ప్రకారం 60 రోజుల్లో షూటింగ్ కంప్లీట్ చేయాలి. మే నెలాఖరుకు లేదా జూన్ ప్రారంభంలో షూటింగ్ మొదలయ్యే అవకాశం ఉంది. సినిమా ఈ ఏడాది చివర్లో థియేటర్లలోకి వచ్చే ఛాన్స్ ఉంది.
ALSO READ: Allu Arjun Atlee సినిమాలో హీరోయిన్ గా ఈ బాలీవుడ్ నటి ఫిక్స్ అయ్యిందా?
