HomeTelugu Big Stories'లక్ష్మీస్ ఎన్టీఆర్' లో రోజా లేదు: వర్మ!

‘లక్ష్మీస్ ఎన్టీఆర్’ లో రోజా లేదు: వర్మ!

సంచలన దర్శకుడు రామ్ గోపాల్ వర్మ ‘లక్ష్మీస్ ఎన్టీఆర్’ సినిమాను రూపొందించనున్న సంగతి తెలిసిందే. లక్ష్మి పార్వతి.. ఎన్టీఆర్ జీవితంలోకి వచ్చిన తరువాత ఎలాంటి సంఘటనలు చోటు చేసుకున్నాయనే అంశాలతో సినిమా నడుస్తుందని తెలుస్తోంది. అయితే ఈ సినిమా ఎన్టీఆర్ పాత్రలో ప్రకాష్ రాజ్ కనిపించబోతున్నాడనే ప్రచారం జరిగింది. అయితే అందులో నిజం లేదని తేల్చేశాడు వర్మ. ఇక ఈరోజు లక్ష్మీపార్వతి పాత్రలో రోజా కనిపించనుందనే ప్రచారం ఊపందుకుంది.
సోషల్ మీడియాలో ఈ న్యూస్ వైరల్ అవుతోంది. ఈ క్రమంలో వర్మ తన ఫేస్ బుక్ ఎకౌంట్ ద్వారా ఈ విషయంపై స్పందించారు. ‘లక్ష్మీస్ ఎన్టీఆర్’ సినిమాలో రోజా నటిస్తుందనే వార్తలు నిరాధారమని, అందులో వాస్తవం లేదని కొట్టిపారేశారు. ఈ అంశం చుట్టూ మీడియా వార్తలు తిరుగుతుండటాన్ని ప్రస్తావించారు. మరి ఎన్టీఆర్, లక్ష్మిపార్వతీల పాత్రల్లో దక్షిణాది తారలను ఎంపిక చేసుకుంటారా..? లేక బాలీవుడ్ నుండి ఆర్టిస్టులను రంగంలోకి దింపుతారా..? అనే విషయాల్లో క్లారిటీ రావాల్సివుంది.

Recent Articles English

Gallery

Recent Articles Telugu