Google.com sold for $12
గూగుల్.కామ్ ఒకప్పుడు కేవలం రూ.1000కి అమ్ముడైందంటే నమ్మలేనిది కదా? కానీ ఇదే నిజం జరిగింది 2015లో! ముంబైకి చెందిన సన్మయ్ వేద్ అనే వ్యక్తి రాత్రి 1:20కి గూగుల్ డొమైన్ సైట్లో ఉన్నాడు. సరదాగా “google.com” టైప్ చేస్తే… షాకింగ్గా అది అవైలబుల్ అని చూపించింది!
వెంటనే “Add to Cart” చేసి, $12 (రూ.1000) చెల్లించి, సెకన్లలో గూగుల్.కామ్ ఓనర్ అయ్యాడు వేద్! అంతే కాదు, గూగుల్ వెబ్మాస్టర్ టూల్స్ యాక్సెస్ కూడా రావడం మొదలైంది. అయితే ఇది గూగుల్ సిస్టమ్కు వెంటనే తెలిసిపోయింది.
గూగుల్ వెంటనే ఆ ట్రాన్సాక్షన్ను క్యాన్సల్ చేసి డొమైన్ను తిరిగి తీసుకుంది. కానీ వేద్ని నిరాశపర్చలేదు. అతనికి థ్యాంక్స్ చెప్పుతూ $6,006.13 (రూ.51,000) ఇచ్చింది. ఈ నంబర్ను ఓ కోణంలో చూస్తే “Google” అని కనిపించవచ్చు అంటారు!
అయితే అసలు హైలైట్ ఇది కాదు… వేద్ ఆ డబ్బును తన దగ్గర ఉంచుకోలేదు. ఆర్ట్ ఆఫ్ లివింగ్ ఫౌండేషన్ అనే సేవా సంస్థకు పూర్తిగా డొనేట్ చేశాడు. ఇది దేశవ్యాప్తంగా 404 ఉచిత పాఠశాలలు నడుపుతుంది, 39,000కిపైగా పిల్లలకు విద్య అందిస్తోంది.
వేద్ చేసిన గొప్ప పనిని చూసి గూగుల్ కూడా స్పందించింది. అదే మొత్తాన్ని రెట్టింపు చేసింది! అంటే మొత్తంగా రెండింతల సహాయం ఆ సంస్థకు వెళ్లింది.
ఒక్కటే చెప్పాలి – ఒక చిన్న టెక్నికల్ ఎర్రర్, కానీ గొప్ప మనసున్న పని! ఇది ఒకసారి చదివి గుర్తుంచుకోవాల్సిన టెక్ టేల్.
ALSO READ: సినిమాలలోకి రాకముందు Rishab Shetty ఏం చేసేవారో తెలుసా?
