ఎన్టీఆర్ “బయోపిక్” లో బాలకృష్ణ ఎన్టీఆర్ పాత్ర చేయవల్సిన సినిమా ఆగిపోవడంతో బాలకృష్ణ వరస సినిమాలకు సైన్ చేసే పనిలో ఉన్నారు. ప్రస్తుతం వి వి వినాయక్ దర్శకత్వంలో ఒక చిత్రంలో నటించనున్నాడు. ఈ చిత్రం యొక్క పూజా కార్యక్రమాలు ఈ నెలలో నిర్వహించనున్నారు. ఈ సినిమాకి సి. కళ్యాణ్ నిర్మాతగా వ్యవహరించనున్నారు. ఈ మూవీలో హీరోయిన్గా శ్రియా శరణ్ ఎంపికైంది. బాలయ్య, వినాయక్ కాంబినేషన్కు తగ్గట్లుగానే ఈ చిత్రం మాస్, యాక్షన్ మూవీగా ఉండబోతుందట. ఈ సినిమాకి పరుచూరి బ్రదర్స్ మాటలు అందిస్తున్నారు.
ఈ చిత్రం తరువాత బాలయ్య లక్కీ డైరెక్టర్ బోయపాటితో కూడ మరో సినిమా చేయనున్నారట. ఇక ఈ రెండు చిత్రాల తరువాత పూరి జగన్నాధ్ కూడా బాలకృష్ణతో చేయాలని చూస్తున్నాడు. కథ కూడా వినిపించారని, ఇంకా ఈ సినిమాకి బాలయ్య ఓకే చేయలేదని సమాచారం. గతంలో పూరి, బాలయ్య కాంబినేషన్లో “పైసా వసూల్” చిత్రం వచ్చింది. ఈ మూవీ మాస్ ఎంటర్ టైనర్ గా నిలిచింది.
