టాలీవుడ్ యంగ్ హీరో ఆది సాయికుమార్ శిఖర క్రియేషన్స్ బ్యానర్పై యుగంధర్.టి(గుడివాడ యుగంధర్) నిర్మాతగా భాస్కర్ బంటుపల్లి దర్శకత్వంలో సినిమా చేయడానికి ఓకే చెప్పాడు. ఫ్యామిలీ ఎంటర్టైనర్గా రూపొందనున్న ఈ చిత్రంలో ఆది సాయికుమార్ న్యూలుక్లో కనిపించనున్నాడు. సాకేత్ కోమందూరి సంగీత సారథ్యం వహిస్తోన్న ఈ చిత్రానికి ఎ.డి.మర్గల్ సినిమాటోగ్రఫీ అందిస్తున్నారు. ఉగాది సందర్భంగా ఏప్రిల్ 13న ఈ చిత్రం లాంఛనంగా ప్రారంభం కానుంది. త్వరలోనే హీరోయిన్, ఇతర నటీనటులకు సంబంధించిన వివరాలను వెల్లడిస్తామని నిర్మాతలు తెలియజేశారు.
ఉగాది నుంచి ఆది సాయికుమార్ కొత్త సినిమా ప్రారంభం
