‘మా'( మూవీ ఆర్టిస్ట్స్ అసోసియేషన్) ఎన్నికలు ఉత్కంఠగా మారుతున్నాయి. ఇప్పటికే అధ్యక్ష పదవి కోసం నలుగురు సభ్యులు ప్రకాశ్రాజ్, నటుడు మంచు విష్ణు, నటీమణులు జీవిత, హేమలు పోటీ చేస్తున్నట్లు ప్రకటించిన విషయం తెలిసిందే. తాజాగా ఈ జాబితాలోకి మరో నటుడి పేరు వచ్చి చేరింది. తెలుగు చిత్రపరిశ్రమలో విభిన్నమైన పాత్రలు పోషించిన నటుడు సీవీఎల్ నరసింహారావు ఈ ఏడాది అధ్యక్ష ఎన్నికలో తలపడనున్నట్లు ప్రకటించారు. స్వతంత్ర అభ్యర్థిగా ఎన్నికల్లో పోటీ చేయనున్నట్లు ఆదివారం వెల్లడించారు. ‘మా’ సభ్యుల సంక్షేమం కోసం తాను అన్నివిధాలుగా కృషి చేస్తానని హామీ ఇచ్చారు.
‘మా’ అధ్యక్ష బరిలో మరో సీనియర్ నటుడు
