బాలీవుడ్ హీరోయిన్ ఆలియా భట్ వరుస విజయాలతో రాణిస్తున్నారు. ఇప్పటికే ఆమె ముంబయిలో రెండు ఫ్లాట్లు కొన్నారు. ఇప్పుడు జుహూలోని రణ్బీర్ కపూర్ ఇంటికి సమీపంలో మరో ఫ్లాట్ను కొన్నారట. రెట్టింపు మొత్తం చెల్లించి ఆమె ఈ ఫ్లాట్ను తీసుకున్నట్లు చెబుతున్నారు. ఫస్ట్ ఫ్లోర్లో 2300 అడుగులున్న ఈ ఇంటి విలువ రూ.7.8 కోట్లట. కానీ ప్రీమియం, రిజిస్ట్రేషన్కు మొత్తం కలిపి రూ.13.11 కోట్లు ఖర్చు అయిందని తెలుస్తోంది. జనవరి 9న అంధేరిలోని సబ్ రిజిస్ట్రార్ కార్యాలయంలో ఆలియా ఫ్లాట్ను రిజిస్టర్ చేయించినట్లు సమాచారం. రణ్బీర్ ఇంటికి దగ్గరగా ఉండాలనే ఆమె ఈ ఇల్లు కొన్నట్లు చెబుతున్నారు.
ఆలియా, రణ్బీర్ ప్రేమలో ఉన్నారని గత కొన్ని రోజులుగా ప్రచారం జరుగుతోంది. దీనిపై రణ్బీర్ కూడా ఓ ఇంటర్వ్యూలో స్పందించారు. అందరితో తన బంధం వేరు, ఆలియాతో వేరంటూ ఆమెపై ఉన్న ప్రేమను పరోక్షంగా చెప్పారు. రణ్బీర్ అంటే తనకు చిన్నప్పటి నుంచీ ఇష్టమని ఆలియా ఇటీవల ఓ సందర్భంలో అన్నారు. వీరిద్దరికీ పెళ్లి చేయాలని ఇరు కుటుంబ సభ్యులు భావిస్తున్నట్లు వార్తలు వస్తున్నాయి. దీనికితోడు ఆలియా, రణ్బీర్ ముంబయిలో అప్పుడప్పుడూ జంటగా దర్శనమిస్తున్నారు.
