బుల్లితెరపై అతిపెద్ద రియాల్టీ షో బిగ్బాస్. ఈ షోకి ఉన్న క్రేజీ గురించి ప్రత్యేకంగా చెప్పనక్కర్లేదు. అన్ని భాషల్లోనూ ఈ షో విజయవంతంగా దూసుకుపోతుంది. తెలుగులోనూ ఈ షోకి మంచి ఆదరణ ఉంది. తెలుగులో ఇప్పటికే 4 సీజన్లు పూర్తిచేసుకున్న ఈ షోపై పలు విమర్శలు వచ్చినప్పటికీ.. రేటింగ్లో దూసుకుపోతుంది. లాక్డౌన్ టైమ్లో ఇళ్లకే పరిమితం అయిన వారికి 105 రోజుల పాటు ఫుల్ ఎంటర్టైన్ మెంట్ ఇచ్చిన బిగ్బాస్-4 గతేడాది డిసెంబర్ 20న గ్రాండ్గా ముగిసిన సంగతి తెలిసిందే. కాగా నాల్గోవ సీజన్ ముగిసి నెల రోజులు గడిచిందో లేదో.. అప్పుడు బిగ్బాస్-5 సీజన్పై టాక్ మొదలైంది.
స్టార్ మా కూడా ఐదో సీజన్ కోసం ప్రారంభించింది. దీనిపై వారి అధికారిక యూట్యూబ్ చానెల్ లో ‘మీరు బిగ్బాస్ షో’ను మిస్ అవుతున్నారా..? అని ఓ పోల్ సర్వే నిర్వహించారు. ఈ సర్వేపై వీక్షకుల నుంచి అనుహ్య స్పందన వచ్చింది. దీంతో అతి త్వరలో బిగ్బాస్ 5 సీజన్ ను ప్రారంభించాలని స్టార్ మా భావిస్తున్నట్లు సమాచారం. ఈ నేపధ్యంలో ‘బిగ్బాస్’ కు సంబంధించిన పలు వార్తలు సోషల్ మీడియాలో చక్కర్లు కొడుతున్నాయి. ఐదో సీజన్ తొలి కంటెస్టెంట్ ఇతనే అంటూ ఓ వార్త సోషల్ మీడియాలో వైరల్ అవుతోంది. సోషల్ మీడియాలో మంచి ఫాలోయింగ్ నటుడు షణ్ముఖ్ జశ్వంత్. ఆయనకు యూత్లో ఎంత క్రేజీ ఉందో ప్రత్యేకంగా చెప్పనక్కర్లేదు.
షణ్ముఖ్ తీసిన ‘సాఫ్ట్వేర్ డెవలపర్’ షార్ట్ఫిలిమ్ మంచి విజయం సాందించింది. ఓ పెద్ద సినిమా తీసిన రాని పేరును ఒక షార్ట్ఫిలిమ్తో సంపాదించాడు షణ్ముఖ్. ఈ సూపర్ సిరీస్తో షణ్ముఖ్ క్రేజీ అమాంతం పెరిగిపోయింది. ఆ క్రేజీయే ఇప్పుడు బిగ్బాస్ ఐదో సీజన్కి సెలెక్ట్ అయ్యేలా చేసిందని వినికిడి. యాంకర్ రవి, కమెడియన్ హైపర్ ఆది పేర్లను నిర్వాహకులు పరిశీలిస్తున్నట్లు సమాచారం. మరి ఇందులో నిజమెంతో తెలియాలంటే మరికొన్ని రోజులు ఆగాల్సిందే.
