టాలీవుడ్ యువ నటుడు విశ్వంత్.. ఇప్పుడు హీరోగా నటిస్తున్న చిత్రం ‘బాయ్ ఫ్రెండ్ ఫర్ హైర్’. సంతోష్ కుంభంపాటి డైరెక్షన్లో వస్తున్న ఈ సినిమాలో మాళవిక సతీషన్ హీరోయిన్ గా నటించింది. యూత్ ఫుల్ రొమాంటిక్ కామెడీ ఎంటర్టైనర్ గా తెరకెక్కిన ఈ సినిమా టీజర్ విడుదలైంది. రోజువారీ రెమ్యునరేషన్ తీసుకొని అద్దె కు బాయ్ ఫ్రెండ్ గా వెళ్లడం అనే వైవిధ్యమైన కాన్సెప్ట్ తో ఈ సినిమాని రూపొందించారని తెలుస్తోంది.
సరికొత్త పాయింట్ తో ఆసక్తికరమైన కథా కథనాలతో కూడిన ‘బాయ్ ఫ్రెండ్ ఫర్ హైర్’ టీజర్.. వినోదాత్మకంగా ఉంది. రాజా రవీంద్ర, హర్షవర్ధన్, సుదర్శన్, మధునందన్, శివ నారాయణ, రూపాలక్ష్మి తదితరులు ఇతర పాత్రల్లో నటించారు. ప్రైమ్ షో ఎంటెర్టైన్మెంట్స్ మరియు స్వస్తిక సినిమా బ్యానర్లపై నిరంజన్ రెడ్డి – వేణు మాధవ్ పెద్ది సంయుక్తంగా ఈ చిత్రాన్ని నిర్మించారు. గోపీ సుందర్ దీనికి సంగీతం సమకూర్చారు.
