సూపర్ స్టార్ మహేష్ బాబు ప్రస్తుతం పరుశురాం డైరెక్షన్లో ‘సర్కారు వారి పాట’ సినిమా చేస్తున్న విషయం తెలిసిందే. బ్యాంకింగ్ రంగంలో జరిగే మోసాల నేపథ్యంలో ఈ సినిమా ఉంటుందని టాక్. మహేష్ కెరీర్లో 27వ చిత్రంగా రానున్న ఈ మూవీని మైత్రీ మూవీ మేకర్స్-జీఎమ్బీ ఎంటర్టైన్మెంట్స్ – 14 రీల్స్ ప్లస్ నిర్మాణ సంస్థలు కలిసి నిర్మించనున్నాయి. అంతేకాక ఈ సినిమాకు పాన్ ఇండియా క్రేజ్ రావాలని బాలీవుడ్ నటులను తీసుకుంటున్నారట. ఇక విలన్ పాత్రలో బాలీవుడ్ సీనియర్ నటుడు అనిల్ కపూర్ నటించబోతున్నాడంటూ వార్తలు వస్తున్నాయి. ఇక ఈ సినిమా హీరోయిన్ గా కీర్తి సురేష్ నటిస్తుందని గత కొద్దీ రోజులుగా వార్తలు వినిపిస్తున్నాయి. అయితే ఈ సినిమాలో కీర్తి సురేష్ కాదని మరోవార్త వైరల్ అవుతోంది. మహేష్ సరసన బాలీవుడ్ భామను తీసుకోవాలని భావిస్తోందట మూవీ యూనిట్. ఈ సినిమాలో మహేష్ అక్క పాత్ర చాలా కీలకంగా ఉండనుందట. అందుకోసం బాలీవుడ్ బ్యూటీ విద్యాబాలన్ను తీసుకోనున్నట్లు సమాచారం. అదే విధంగా హీరోయిన్ కూడా బాలీవుడ్ భామ అయితేనే బావుంటుందని దర్శకనిర్మాతలు భావిస్తున్నారట. ఈ సినిమా తెలుగుతో పాటు హిందీ, తమిళ భాషల్లో రిలీజ్ కానుంది. ప్రస్తుతం స్క్రిప్ట్ పనులను పూర్తి చేసి.. షూటింగ్కు రెడీ అవుతోంది చిత్రబృందం.
మహేష్ సినిమాలో బాలీవుడ్ బ్యూటీ..
