OG Release Date:
పవర్ స్టార్ పవన్ కళ్యాణ్ నటిస్తున్న “ఓజీ” సినిమాపై భారీ అంచనాలున్నాయి. ఈ సినిమా పవన్ కెరీర్లోనే అత్యంత స్టైలిష్ యాక్షన్ డ్రామాగా చెప్పుకుంటున్నారు. ‘సాహో’ ఫేమ్ సుజీత్ దర్శకత్వం వహిస్తున్న ఈ సినిమాలో పవన్ డాన్ పాత్రలో కనిపించబోతున్నాడు.
ఇప్పటికే ముంబైలో రెండు చిన్న షెడ్యూల్లు పూర్తి చేశారు పవన్. రాజకీయాల్లో బిజీగా ఉన్న కారణంగా షూటింగ్ కాస్త ఆలస్యం అయింది కానీ, ఇప్పుడు ఫైనల్ షెడ్యూల్కు రంగం సిద్ధమవుతోంది. తాజాగా వచ్చిన అప్డేట్ ప్రకారం, విజయవాడ పరిసర ప్రాంతాల్లో ఫైనల్ షెడ్యూల్ జరగనుంది. ఈ షెడ్యూల్ పదిరోజులు జరుగుతుంది. దీంతో మొత్తం షూటింగ్ పూర్తి అవుతుంది.
పోస్ట్-ప్రొడక్షన్ పనులు కూడా స్పీడ్కి వచ్చాయి. మ్యూజిక్ డైరెక్టర్ థమన్ ఇప్పటికే బ్యాక్గ్రౌండ్ స్కోర్, పాటల పని స్టార్ట్ చేశారు. సినిమాలో కథ ముంబై నేపథ్యంలో సాగుతుంది. ఇందులో హీరోయిన్గా ప్రియాంకా అরుల్ మోహన్ నటిస్తున్నారు.
ఈ సినిమాను ప్రముఖ నిర్మాణ సంస్థ డివివి ఎంటర్టైన్మెంట్స్ నిర్మిస్తోంది. ఓజీ సినిమాను సెప్టెంబర్ 25న దసరా సందర్భంగా గ్రాండ్గా విడుదల చేయనున్నారు. ఈ డేట్ పక్కా అని మేకర్స్ నుంచి క్లారిటీ వచ్చింది. పవన్ ఫ్యాన్స్ కోసం ఇది ఓ పెద్ద గిఫ్ట్ అవుతుంది.
ఓజీ తర్వాత పవన్, హరీష్ శంకర్ దర్శకత్వంలో తెరకెక్కుతున్న “ఉస్తాద్ భగత్ సింగ్” షూట్ను పూర్తిచేయనున్నాడు. అంటే వచ్చే నెలల్లో పవన్ సినిమా షూటింగ్స్కి పూర్తి స్థాయిలో డెడికేట్ కానున్నట్టు తెలుస్తోంది.
ఇంకా “ఓజీ” సినిమా నుంచి ఫస్ట్ సింగిల్, ట్రైలర్ అప్డేట్స్ రావాల్సి ఉండటంతో అభిమానుల్లో హైప్ నెలకొంది. మరి ఈ దసరా పవన్ మ్యాజిక్ బాక్సాఫీస్ను ఎలా షేక్ చేస్తుందో చూడాలి!
