సూపర్స్టార్ మహేష్బాబు హీరోగా నటించిన ‘మహర్షి’ సినిమా తెలుగు రాష్ట్రాల్లో మంచి టాక్ అందుకుంటోంది. ఈ నేపథ్యంలో మహేష్ ఇంట సెలబ్రేషన్స్ మొదలయ్యాయి. గురువారం రాత్రి మహేష్ బాబుతో పాటు వంశీ పైడిపల్లి, పూజా హెగ్డే, దేవిశ్రీ ప్రసాద్ ఇతర చిత్రబృందం కలిసి పార్టీ చేసుకున్నారు. ఈ విషయాన్ని నమ్రత ఇన్స్టాగ్రామ్ ద్వారా వెల్లడిస్తూ ఫొటోలను పోస్ట్ చేశారు. పార్టీలో విజయ్ దేవరకొండ కూడా పాల్గొన్నారు. గురువారం ప్రేక్షకుల ముందుకు వచ్చిన ఈ చిత్రం నైజాంలో రికార్డు స్థాయిలో ఓపెనింగ్ వసూళ్లను రాబట్టింది. తొలిరోజు రూ.6.38 కోట్లు కలెక్షన్లు వచ్చినట్లు సినీ విశ్లేషకులు అంటున్నారు. ఇక అమెరికాలో తొలి రోజు 6,66,000 డాలర్ల వసూళ్లు రాబట్టినట్లు పేర్కొన్నారు.
మహేష్ ‘మహర్షి’ సెలబ్రేషన్స్
