టాలీవుడ్ కింగ్ నాగార్జున హిట్ అందుకుని చాలాకాలమైంది. ఆఫీసర్, మన్మథుడు-2 చిత్రాలు విజయం సాధించలేకపోయాయి. దీంతో సినిమాల ఎంపికలో ఆచితూచి అడుగులు వేస్తున్నారు. లాక్డౌన్ కారణంగా వైల్డ్ డాగ్ చిత్రం షూటింగ్ నిలిచిపోయింది. రచయిత అశిషోర్ సోలోమన్ దర్శకత్వంలో రూపొందుతున్న ‘వైల్డ్ డాగ్’ టైటిల్, ఫస్ట్లుక్ పోస్టర్ కొత్తగా ఉండటంతో ఈ సినిమాపై అందరిలోనూ అంచనాలు మొదలయ్యాయి. ఈ సినిమా షూటింగ్ మళ్లీ ప్రారంభించలేదు. ఇంతలోనే ప్రవీణ్ సత్తారు దర్శకత్వంలో రూపొందించే మరో సినిమాలో నటించేందుకు అంగీకరించాడు. రాజశేఖర్కు ‘గరుడవేగ’తో కమర్షియల్ హిట్ అందించిన ట్యాలెంటెడ్ డైరెక్టర్ ప్రవీణ్ సత్తార్. నాగార్జున ఇమేజ్ను దృష్టిలో ఉంచుకొని పక్కా పవర్ఫుల్ స్క్రిప్ట్ను దర్శకుడు రెడీ చేసినట్లు సమాచారం. ఈ సినిమా ఈ ఏడాది చివర్లో లేదా వచ్చే ఏడాది మొదట్లో ప్రారంభమయ్యే అవకాశముంది. ఇందులో ఓ రైతుగా కనిపించబోతున్నాడు. తన కూతురి కోసం రైతు ఎంతటి సాహసం చేశాడు అనేది కథాంశంగా తెలుస్తోంది.
