69వ జాతీయ సినిమా అవార్డులను కేంద్ర ప్రభుత్వం ప్రకటించింది. 28 భాషల్లో 280 సినిమాలు వివిధ భాగాల్లో పోటీ పడ్డాయి. ఉత్తమ తెలుగు చిత్రంగా ఉప్పెన నిలిచింది. ఈ సినిమాను మైత్రీ మూవీ మేకర్స్ నిర్మించింది.
ఉత్తమ నటుడిగా అల్లు అర్జున్ ఎంపికయ్యారు. తెలుగులో మొట్టమొదటి జాతీయ ఉత్తమ నటుడు స్టైలిష్ స్టార్ కావడం గమనార్హం.
RRR, పుష్ప సినిమాలు వివిధ విభాగాల్లో అవార్డులు దక్కించుకున్నాయి. RRR సినిమాకు 6 అవార్డులు రాగా, పుష్ప సినిమాకు రెండు వచ్చాయి.
ఉత్తమ తెలుగు చిత్రం – ఉప్పెన, ఉత్తమ నటుడు – అల్లు అర్జున్ (పుష్ప), ఉత్తమ కొరియాగ్రఫీ – ప్రేమ్ రక్షిత్ (ఆర్ఆర్ఆర్), ఉత్తమ స్టంట్ కొరియోగ్రాఫర్ – కింగ్ సోలోమన్ (ఆర్ఆర్ఆర్), ఉత్తమ బ్యాక్ గ్రౌండ్ మ్యూజిక్ – కీరవాణి (ఆర్ఆర్ఆర్), ఉత్తమ గీత రచయిత – చంద్రబోస్(కొండపొలం), ఉత్తమ సంగీత దర్శకుడు – దేవిశ్రీ ప్రసాద్ (పుష్ప), ఉత్తమ స్పెషల్ ఎఫెక్ట్ – శ్రీనివాస్ మోహన్ (ఆర్ఆర్ఆర్), ఉత్తమ ప్రజాదరణ చిత్రం – ఆర్ఆర్ఆర్, జాతీయ సమగ్రతా చిత్రం – ది కశ్మీర్ ఫైల్స్
