టాలీవుడ్‌ పవర్ స్టార్ పవన్‌ కల్యాణ్‌ ప్రస్తుతం హిందీలో హిటైన ‘పింక్‌’ చిత్రాన్ని తెలుగులో రీమేక్‌ చేస్తున్న విషయం తెలిసిందే. వేణుశ్రీరామ్‌ డైరెక్షన్‌లో వస్తున్న ఈ చిత్రాన్ని దిల్‌ రాజు నిర్మిస్తున్నారు. ఈ చిత్రం కోసం పవన్‌ కల్యాణ్‌ అభిమానులు ఎంతో ఆసక్తిగా ఎదురుచూస్తున్నారు. ఎందుకంటే ‘అజ్ఞాతవాసి’ తర్వాత పవన్‌ వెండితెరపై కనిపించలేదు. దీంతో రెండేళ్ల గ్యాప్‌ తర్వాత తీసున్న ఈ చిత్రానికి సంబంధించిన అప్‌డేట్స్‌ కోసం ఫ్యాన్స్‌ ఎదురుచూస్తున్నారు. తాజాగా అభిమానులకు మూవీయూనిట్‌ గుడ్‌ న్యూస్‌ చెప్పింది.
ఈ సినిమాకు సంబంధించి ఫస్ట్‌ లుక్‌ పోస్టర్‌ను సోమవారం సాయంత్రం 5 గంటలకు విడుదల చేయనున్నట్లు ప్రకటించింది. దీంతో టైటిల్‌ అనౌన్స్‌మెంట్‌ కూడా ఉంటుందని ఫ్యాన్స్‌ ఆశిస్తున్నారు. ప్రచారంలో ఉన్న ‘వకీల్‌ సాబ్‌’ అనే టైటిల్‌నే చిత్రబృందం ప్రకటించే అవకాశం ఉన్నట్లు తెలుస్తోంది. ఇక ఫస్ట్‌లుక్‌ పోస్టర్‌, టైటిల్‌ ఏంటో తెలుసుకోవడానికి అటు ఫ్యాన్స్‌తో పాటు టాలీవుడ్‌ ఎంతో ఉత్సాహంగా ఎదురుచూస్తోంది. బోని కపూర్‌ సహ నిర్మాతగా వ్యవహరిస్తున్నారు. ఈ సినిమాకు తమన్‌ సంగీతమందిస్తున్నాడు. వేసవిలో ఈ సినిమాను విడుదల చేయనున్నారు.
Here’s the Pre Look of Power Star @PawanKalyan’s #PSPK26 💥
First Look on March 2nd at 5PM🔥@SVC_official #SriramVenu @MusicThaman pic.twitter.com/SzTWTLObSo
— Sri Venkateswara Creations (@SVC_official) March 1, 2020
