చిన్న చిత్రంగా విడుదలై ఘన విజయం సొంతం చేసుకొన్న రాజుగారి గది చిత్రానికి సీక్వెల్ గా రూపొందుతున్న చిత్రం ‘రాజుగారి గది 2’. ఒయాక్ ఎంటర్ టైన్మెంట్స్, పివిపి సినిమా, మ్యాట్నీ ఎంటర్ టైన్మెంట్స్ సంస్థలు సంయుక్తంగా నిర్మిస్తున్న ఈ చిత్రంలో అక్కినేని నాగార్జున కీలకపాత్ర పోషిస్తుండగా.. సమంత ముఖ్యపాత్రలో కనిపించనుంది. ఏప్రిల్ 3 చిత్ర కథానాయకి సీరత్ కపూర్ పుట్టినరోజును పురస్కరించుకొని.. సీరత్ కపూర్ ఫస్ట్ లుక్ పోస్టర్ ను విడుదల చేసింది చిత్ర బృందం.
ఈ సందర్భంగా చిత్ర నిర్మాతలు మాట్లాడుతూ.. ”పాండిచ్చేరిలో 20 రోజులపాటు జరిగిన మొదటి షెడ్యూల్ తో దాదాపు 70% టాకీ పార్ట్ పూర్తయ్యింది. నాగార్జున, నరేష్, సమంత, సీరత్ కపూర్, సీనియర్ నరేష్ ల నడుమ కీలక సన్నివేశాలు చిత్రీకరించాం. చిత్రీకరణ సందర్భంగా విడుదల చేసిన మేకింగ్ స్టిల్స్ కి సోషల్ మీడియాలో విశేషమైన స్పందన లభించింది. ముఖ్యంగా నాగార్జున ఈ చిత్రంలో మరింత అందంగా కనిపిస్తున్నారని అందరూ వ్యాఖ్యానిస్తుండడం విశేషం. ఇక నేడు మా హీరోయిన్ సీరత్ కపూర్ పుట్టిన రోజు సందర్భంగా ఆమె ఫస్ట్ లుక్ ను విడుదల చేశాం. ఈ చిత్రంలో సీరత్ పాత్ర చాలా కీలకం, ఆమెకు లభించిన ఈ క్యారెక్టర్ ఆమె కెరీర్ లో మైలురాయిగా నిలవడం ఖాయం” అన్నారు.
‘రాజుగారి గది 2’ మూడవ షెద్యూల్ పూర్తి!
