వరుస సినిమాలు చేసుకుంటూ సక్సెస్ లను అందుకుంటున్న హీరో రాజ్ తరుణ్ తాజాగా దిల్ రాజుతో సినిమా చేయడానికి అంగీకరించినట్లు తెలుస్తోంది. నిజానికి దిల్ రాజు నిర్మించిన ‘శతమానం భవతి’ సినిమాలో హీరోగా రాజ్ తరుణ్ నటించాల్సివుంది. కానీ ఆ ప్రాజెక్ట్ నుండి ఈ యంగ్ హీరో తప్పుకున్నాడు. ఆ సమయంలో దిల్ రాజుకి, రాజ్ తరుణ్ కి మధ్య గ్యాప్ వచ్చిందని రకరకాల రూమర్స్ వినిపించాయి.
ఇప్పుడు ఆ ప్రచారానికి తెర దించుతూ రాజు గారి బ్యానర్ లో సినిమా చేయడానికి రెడీ అవుతున్నాడు ఈ హీరో. అనీష్ కృష్ణ దర్శకత్వంలో ఈ సినిమా తెరకెక్కనుంది. గతంలో అనీష్ ‘అలా ఎలా’ అనే సినిమాను రూపొందించారు. రాజ్ తరుణ్ నటిస్తోన్న ‘అంధగాడు’ సినిమా పూర్తయిన వెంటనే ఈ సినిమాను పట్టాలెక్కించనున్నారు.
