‘వర్షం’ డైరెక్టర్ శోభన్ కుమారుడు ‘పేపర్ బాయ్’ హీరో సంతోష్ శోభన్ నటిస్తున్న తాజా చిత్రం ‘ఏక్ మినీ కథ’. కావ్యా థాపర్ హీరోయిన్ గా నటించిన ఈ సినిమాలో శ్రద్ధాదాస్ కీలక పాత్ర పోషించారు. కొత్త దర్శకుడు కార్తీక్ రాపోలు ఈ చిత్రానికి దర్శకత్వం వహిస్తున్నారు. యూవీ క్రియేషన్స్ అనుబంధ సంస్థ యూవీ కాన్సెప్ట్స్ బ్యానర్ పై ఈ సినిమా రూపొందుతోంది. ప్రముఖ దర్శకుడు మేర్లపాక గాంధీ స్టోరీ అందిస్తున్న ఈ చిత్రాన్ని మ్యాంగో మాస్ మీడియా వారు సమర్పిస్తున్నారు. ‘డజ్ సైజ్ మ్యాటర్?’ అంటూ వస్తున్న ఈ సినిమా ఫస్ట్ లుక్ – టీజర్ సినిమాపై ఆసక్తిని కలిగించాయి. అలానే ‘ఈ మాయలో..’ లిరికల్ సాంగ్ కూడా మంచి స్పందన తెచ్చుకుంది. ఈ క్రమంలో మరో మినీ సింగిల్ ని రిలీజ్ చేయడానికి చిత్ర యూనిట్ సన్నాహాలు చేస్తున్నారు. ‘ఏక్ మినీ కథ’ చిత్రం నుంచి ‘సామిరంగా..’ అనే పాట లిరికల్ వీడియో ఏప్రిల్ 21న విడుదల చేయనున్నట్లు వెల్లడించారు.ఈ సందర్భంగా వదిలిన ఈ సాంగ్ ప్రోమో అలరోస్తోంది. ‘ఏక్ మినీ కథ’ చిత్రాన్ని ఏప్రిల్ 30న విడుదల చేయనున్నారు.
ఏక్ మినీ కథ నుంచి ‘సామిరంగా..’ సాంగ్ ప్రోమో
