ఘట్టమనేని అల్లుడు సుధీర్ బాబు హిట్ కోసం ఎదురుచూస్తున్నాడు. ప్రస్తుతం సుధీర్‌బాబు చేతిలో 3 ప్రాజెక్టులు ఉన్నాయి. ఈ ఏడాది మొదట్లో హంట్ అనే మూవీ కోసం బాగానే హార్డ్ వర్క్ చేశాడు. కానీ అది అనుకున్నంత సక్సెస్ రాలేదు. ఇప్పుడు మామా మశ్చీంద్ర అనే సినిమాతో రాబోతున్నాడు.
టైటిల్‌ లోనే వెరైటీ చూపించిన సుధీర్ బాబు ఈ మూవీలో 3 విభిన్నమైన పాత్రలు చేస్తున్నాడు. ఇప్పటికే ఈ మూవీ నుంచి విడుదలైన టీజర్, పోస్టర్లకు మంచి స్పందన వస్తోంది. ఈ సినిమాకు నటుడు, నిర్మాత హర్షవర్ధన్ దర్శకత్వం వహిస్తున్నాడు.
యాక్షన్, డ్రామా ఎంటర్‌టైనర్‌గా రూపొందుతున్న మామా మశ్చీంద్ర మూవీ అక్టోబర్ 6న రిలీజ్ చేసేందుకు సన్నాహాలు చేస్తున్నారు. దీనికి సంబంధించిన పోస్టర్‌ను వదిలారు. ఈ సినిమా తెలుగు, హిందీ భాషల్లో రూపొందుతోంది. ఈ చిత్రంలో మృణాళిని, ఈషా రెబ్బా హీరోయిన్లు.
శ్రీ వెంకటేశ్వర సినిమాస్ ఎల్ ఎల్ పి పై సునీల్ నారంగ్, పుస్కుర్ రామ్ మోహన్ రావు నిర్మిస్తున్నారు. సంగీతం చైతన్ భరద్వాజ్ అందిస్తున్నారు.
